Home / खेलकुद़़ / विभिन्न प्रकारका रोग लाग्न थालेपछि शहरी क्षेत्रका मानिसहरु योगा तर्फ आकर्षित

विभिन्न प्रकारका रोग लाग्न थालेपछि शहरी क्षेत्रका मानिसहरु योगा तर्फ आकर्षित

सप्तरङ्गी एफ.एम./दमक/जेठ २० / डिकेश लामा-  बढ्दो शहरीकरण सँगै विभिन्न प्रकारका रोगहरु लाग्न थाले पछि शहरी क्षेत्रका मानिसहरु योगा तर्फ आकार्षित भएका छन् ।
पछिल्लो समय दमक क्षेत्रमा मात्र पनि दैनिक ८ वटा सेन्टरमा ८ सय हाराहारीमा योगामा सहभागी हुने गरेको पतञ्जली योग पीठका वरिष्ठ योग प्रशिक्षक गंगाप्रसाद ढकालले बताउनु भयो । राज्यको नयाँ संरचना अन्तर्गत राष्ट्रिय खेलकुद परिषदले योगलाई समेत खेलकुदको दर्जामा राखे पछि यस तर्फ नागरिकहरुको आकार्षण बढ्दै गएको राष्ट्रिय योग खेलकुद परिषद झापाले जनाएको छ ।

खासगरी बढ्दो शहरीकरण र दैनिक मानिसहरुले गर्ने काम मेशिनको प्रयोगबाट हुन थाले पछि वढेर गएको रोग न्यूनिकरणमा योगले लाभ दिन थाले पछि नागरिकहरुको यस तर्फ आकार्षण बढेको योग प्रशिक्षक ढकालले बताउनु भयो । राष्ट्रिय योग खेलकुद परिषदका झापा जिल्ला उपाध्यक्ष समेत रहेका ढकालका अनुसार हाल झापामा २० स्थानमा दैनिक करिव २ हजार नागरिहरुले योग गर्ने गरेका छन् ।
योग गर्न थाले पछि स्वास्थ्यलाई धेरै राम्रो भएकोले योगमा सहभागी दमक २ की ६० बर्षीय उमा सुवेदीले बताउनु भयो । योगमा खासगरी महिलाहरुको आकार्षण बढेको र यसले धेरै राम्रो भएको सुवकादेवी ढकाल अधिकारीले बताउनु भयो ।
पछिल्लो समय दमक, विर्तामोड, बुधबारे, उर्लावारी, कमल गाऊँपालिका लगायतमा धेरै योग प्रशिक्षार्थीहरुको सहभागिता रहने गरेको पाईएको छ ।

Leave a Reply

Your email address will not be published. Required fields are marked *

*