Home / ताजा समाचार / दमकका २८ हजार हाराहारीका बालबालिकाको अधिकार र कार्यक्रम तर्जुमा गर्न अभिमुखिकरण

दमकका २८ हजार हाराहारीका बालबालिकाको अधिकार र कार्यक्रम तर्जुमा गर्न अभिमुखिकरण

 

२१ जेठ , दमक सप्तरंगी एफ.एम .

दमकका २८ हजार हाराहारीका बालबालिकाका अधिकार र योजना तर्जुमा गर्न आज नगर बाल सञ्जाल दमकले एक दिने गोष्ठी तथा अभिमुखिकरण कार्यक्रम सम्पन्न गरेको छ ।

स्थानीय तहमा बालमैत्री शासन र संघीय संरचनामा योजना तर्जुमाका लागि अभिमुखिकरण गोष्ठी संचालन गरेको नगर बाल सञ्जाल अध्यक्ष तथा कार्यक्रमका सभापति प्रजेश खनालले बताउनु भयो ।

कार्यक्रमका प्रमुख अतिथि दमक नगरपालिकाका मेयर रोमनाथ ओलीले बालबालिकाको मनस्थितिमा असर पर्ने कुनै पनि गतिविधि गर्न नहुने बताउनु भयो । त्यस्तै अनाआवश्यक रुपमा गरिदैं आएको शैक्षिक बन्दले बालबालिकामा ठूलो असर पर्ने भन्दै सो कार्यको भत्र्सना समेत गर्नु भयो ।

कार्यक्रममा केन्द्रिय बाल कल्याणका प्रतिनिधि सुमन अधिकारी, शरणार्थी सम्बन्धी सँयुक्त राष्ट्र संघीय उच्च आयुक्तकी संगिता खतिवडा, उपमेयर गीता अधिकारी, समाज कल्याण शाखा दमकका प्रमुख डम्बर बराल लगायतका उपस्थितिमा भएको कार्यक्रमका बक्ताहरुले बाल मैत्री शासन र अधिकारका लागि स्थानीय तहले उचित कदम चाल्नु पर्नेमा जोड दिनु भयो ।

कार्यक्रममा दमक नगरपालिकाका १० वटै वडाबाट बाल प्रतिनिधिहरुको उपस्थिति रहेको थियो ।

Leave a Reply

Your email address will not be published. Required fields are marked *

*