Home / ताजा समाचार / ताप्लेजुङमा ट्याक्टर दुर्घटना हुँदा चालकको मृत्यु ।

ताप्लेजुङमा ट्याक्टर दुर्घटना हुँदा चालकको मृत्यु ।

सप्तरङ्गी एफ.एम./जेठ २३/दमक
ताप्लेजुङको पाथिभरा याङवरक गाउँपालिकामा बालुवा लिन जाँदै गरेको ट्याक्टर आज दिउँसो अनियन्त्रित भई दुर्घटना हुँदा चालकको मृत्यु भएको छ । मेची राजमार्ग अन्तर्गत कावेली खोलातर्फ वालुवा लिन आउँदै गरेको ना ५ त ९५६६ नम्वरको ट्याक्टर दुर्घटना हुँदा चालक सोही गाउँपालिका–१ बस्ने २१ वर्षीय मिलन सुनुवारको घटनास्थल मै मृत्यु भएको हो । दुर्घटनामा परी ट्याक्टरमा सहयोगीको काम गर्ने सोही ठाउँका सरन लिम्बू र किरण लिम्बू सामान्य घाइते भएको मेवाखा प्रहरी चौकीले जानकारी दिएको छ । घाइतेहरूको जिल्ला अस्पताल ताप्लेजुङमा उपचार भइरहेको प्रहरीको भनाइ छ । घाइते दुबैजनाको हात र खुट्टामा चोट लागेको बताइएको छ ।

Leave a Reply

Your email address will not be published. Required fields are marked *

*