Home / ट्रेन्डिङ्ग / दमक चुलाचुली जोड्ने रतुवा खोलाको पुल समयमा नबन्दा, ज्यानको बाजि लगाएर खोला तर्नुपर्ने बाध्यता

दमक चुलाचुली जोड्ने रतुवा खोलाको पुल समयमा नबन्दा, ज्यानको बाजि लगाएर खोला तर्नुपर्ने बाध्यता

सप्तरङ्गी एफ.एम.जेठ २९ दमक
झापाको दमकबाट ईलामको चुलाचुली बिचमा रहेको रतुवा खोलाको पुल समयमा नबन्दा यस क्षेत्रका नागरिकहरु हैरानी व्यहोर्न बाध्य भएका छन् । पुल नहुँदा यस पालीको बर्खामा पनि ज्यान जोखिममा राखेर खोलाबाटै दमक आवतजावत गर्न चुलाचुली क्षेत्रका नागरिकहरु बाध्य बनेका हुन् । गएको २ बर्ष अघि देखि निर्माण शुरु गरिएको पुल यो बर्षातमा संचालन हुने ठूलो आशा राखेको गाऊँलेहरुले बताएका छन् ।

२०७२ सालको कार्तिक २९ गते ठेक्का सम्झौता भएको काम आगामी कार्तिक २८ गते संझौता अनुसारको म्याद समाप्त हुँदैछ । १५ करोड ६८ लाख २१ हजार २ सय ५० रुपयाँमा काठमाण्डौंको एलिट कन्ट्रक्सन कम्पनि प्रा.लि.ले निर्माणको जिम्मा लिएको हो । ४ वटा स्पानको २ सय मिटर लम्बाई रहेको पुलको चौडाइ ११ मिटरको हुने बताइएको छ । बीचमा सरकारी र निर्माण कम्पनिबीचमा भएको केही अमझदारीका कारण काम ढिलो भए पनि समय अवधिमा काम सक्ने प्रयास रहेको पुल निर्माणमा खटिनु भएका इन्जिनियर विवेक न्यौपानेले बताउनु भयो । न्यौपानेका अनुसार ६२ प्रतिशत जति काम भईसकेको छ ।

पुल नहुँदा उपचार गर्न आउने बिरामी देखि कलेज अध्ययन गर्ने विधार्थीहरुले समेत ठूलो समस्या भोग्दै आएको ईलाम चुलाचुलीका बासिन्दाहरुको गुनासो रहेको छ । यही सालको बर्खामा तपाईहरु खोलाबाट हिड्नु पर्र्दैन भनेर प्रधानमन्त्री केपी ओलीले भन्नु भएको भए पनि सरोकारवालाहरुले समयमा काम नगर्दा समस्या भएको चुलाचुली निवासी बलबहादुर राईले बताउनु भयो । पुल आगामी ५ कार्तिक २८ गते सम्म बन्नु पर्ने भए पनि समयमा सक्न गाह्रो हुने स्थानीय बासिन्दाहरुले बताएका छन् ।

Leave a Reply

Your email address will not be published. Required fields are marked *

*