Home / ट्रेन्डिङ्ग / दमकमा निर्माण हुँदै आएको रिङ्ग रोडको केही भाग कालोपत्रे भएको एक बर्ष नपुग्दै भत्कन सुरु,५ करोड बजेटको काम फलदायी बन्न नसकेको उपभोक्ताको गुनासो

दमकमा निर्माण हुँदै आएको रिङ्ग रोडको केही भाग कालोपत्रे भएको एक बर्ष नपुग्दै भत्कन सुरु,५ करोड बजेटको काम फलदायी बन्न नसकेको उपभोक्ताको गुनासो

जेठ ३० / दमक / सप्तरंगी एफएम / डिकेश लामा :

झापाको दमकमा निर्माण हुँदै आएको रिङ्ग रोड अन्तर्गतका केही भाग कालोपत्रे सडक निर्माण भएको एक बर्ष नपुगी नै भत्कन थालेको छ । वर्तमान प्रधानमन्त्री केपी ओलीले निर्वाचन क्षेत्र सडक अन्तर्गत सांसद कोषबाट विनियोजित ५ करोड बजेटको काम फलदायी बन्न नसकेको स्थानीय सडक उपभोक्ताहरुले बताएका छन् ।

 

दमक क्षेत्र वरिपरी निर्माण गरिने ३६ किलो मिटर सडक मध्ये गत अशोजमा निर्माण सम्पन्न भएको साढे ४ किलो मिटर कालो पत्रे बाटो भत्कन थालेको हो । कालो पत्रे गरेको ६ महिना नवित्दै देखि भत्कन थालेको सडकको धेरै भाग भत्किसकेको स्थानीय किशोर कार्कीले बताउनु भयो । निर्माणमा लार्पाबाही र गुणस्तरीय ढंगले काम नगरेकोले सडकको अवस्था यस्तो भएको अर्का स्थानीय उपभोक्ता सूर्यकुमार सुब्बाले बताउनु भयो ।

 

 

याक्थुङ्ग निर्माण सेवाले ठेक्का लिएर निर्माण गरेको दमक वडा नं ७ देखि उत्तर बेलडाँगी सडकखण्डसम्मको कालो पत्रेको अवस्था विग्रिएकोले पुनर्मर्मतका लागि निर्माण सेवालाई पत्रचार गरिसकेको डिभिजन सडक कार्यालय दमकका इन्जिनियर माधव पौडेलले बताउनु भयो । भत्किन थालेको यो सडकको ठेक्का २ करोड ९६ लाख ६० हजार रुपयाँ मुल्य अभिवृद्धि कर बाहेक ठेक्कामा लागेको डिभिजन सडक कार्यालय दमकले जानकारी दिएको छ ।

 

 

पछिल्लो समय दमकमा बन्दै गरेको रिङ्गरोडमा ३ वटा कालोपत्रे योजना संचालनमा रहेका छन् । यस बाहेक मृत संजविनी निर्माण सेवा, बाम्ती भण्डार निर्माण सेवाले ६ हजार ७ सय मिटर कालो पत्रे र त्यस बाहेका सडकमा माटो पुराई तथा ग्राभेलको छुटाछुटै ठेक्का र सम्झौतामा काम गरिरहेका छन् । यी दुई निर्माण कम्पनिको यही जेष्ठ मसान्त र भदौ मसान्तसम्म ठेक्का सम्झौताको म्याद सकिदैछ । म्याद अवधिभर दुवै कम्पनिलाई काम सक्न निक्कै गाह्रो पर्ने स्थानीय उपभोक्ताहरुले बताएका छन् ।

२० बर्ष अघि देखि शुरु गरिएको दमक रिङ्ग रोड जोडिन अझै करिव २ किलो मिटर बाटो कताबाट जोड्ने भन्ने निश्चित हुन नसकेको  रिङ्गरोड निर्माण समितिका अध्यक्ष बोधराज न्यौपानेले बताउनु भयो । रिङ्गरोड सम्मन्न गर्दा करिव १ अर्व भन्दा बढी खर्च हुने अनुमान गरिएको छ ।

Leave a Reply

Your email address will not be published. Required fields are marked *

*

x

Check Also

मुगाधन कृष्णकुमारी राई स्मृती प्रतिष्ठानद्वारा जेष्ठ नागरिकलाई फलफुल वितरण

सप्तरङ्गी एफ.एम. दमक/भदौ ४/ प्रजातन्त्रका सेनानी स्वर्गिय मुगाधन राई र उहाँकी धर्म पत्नी स्वर्गिय कृष्णकुमारी ...

नगरपालीकाले बिद्यालयमा राजनिति घुसाउँदा हिमाविमा हिँजोको घटना भएको दमकका शैक्षिक अगुवाको आरोप

सप्तरङ्गी एफ.एम. दमक/भदौ २/ दमक २ मा रहेको हिमालय माध्यमिक बिद्यालयमा हिँजो भएको घटनालाई दमकका ...

झापाको कचनकवलमा दक्षिणी क्षेत्रमै पहिलोपटक बृहत लाखे नाच तथा सांस्कृतिक कार्यक्रमको उद्घाटन

  सप्तरंगी एफएम / कचनकवल ०१ भदौ २०७५       झापाको सुदुर दक्षिणी गाउँपालिका ...

दमकमा श्रीकृष्ण रथ यात्रा भव्य बनाउने बिषयमा छलफल

सप्तरङ्गी एफ.एम. दमक/भदौ १/ आगामी भदौ १८ गते दमकमा निकालीने श्री कृष्ण रथ यात्राको बिषयमा ...

आफुलाई धोका दिन लागेको भन्दै मोरंगमा एक युवतिको विभत्स हत्या

सप्तरङ्गी एफ.एम. दमक भदौ १ मोरङको ग्रामथानमा एक युवतीको हत्या भएको छ । ग्रामथान गाउँपालिका ...