Home / ट्रेन्डिङ्ग / विपक्षी दलका सांसदद्वारा प्रदेश नम्बर १ सरकारले ल्याएको बजेटको विरोध

विपक्षी दलका सांसदद्वारा प्रदेश नम्बर १ सरकारले ल्याएको बजेटको विरोध

सप्तरङ्गी एफ.एम./असार ६/दमक/
प्रदेश नम्बर १ का विपक्षी दलका सांसदहरुले प्रदेश सरकारले ल्याएको बजेटको विरोध गरेका छन् ।
विनियोजना विधेयकमाथिको छलफलमा सहभागी हुँदै प्रतिपक्षका सांसदहरुले परम्पारगत बजेट आएको बताए । सांसद हिमाल कार्कीले आवश्यकता र औचित्यको आधारमा भन्दा पहुँच र प्रभावको आधारमा बजेट विनियोजन भएको बताउनु भयो ।
जिल्लामुखी र क्षेत्रमुखी बजेट आएको र स–साना योजनाको नाममा कनिका छर्ने काम भएको उहाँले बताउनु भयो ।
बजेट बनाउने क्रममा मन्त्रीहरु जिमदार बनेको र सांसदलाई रैतीको व्यवहार भएको उहाँको आरोप छ ।
कांग्रेसका अर्का सांसद सूर्यमान राईले सत्तारुढ संसदहरुलाई मात्र खुसी बनाउने बजेट आएको बताउनु भयो ।
प्रतिपक्षका सांसदले पेश गरेका कार्यक्रमलाई खासै महत्व नदिएको उहाँको गुनासो छ । राईले भन्नु भयो, ‘प्रतिपक्षका तर्फबाट पेश भएका कार्यक्रम काट्ने काम भएको छ, यस्तो विभेद गरिन्छ भने हामीले प्रदेशलाई समृद्ध बनाउने देखेको सपना फिक्का हुनेछ ।’
सांसद शिवनारायण गनगाईले बजेट विनियोजनमा दलीय आधारमा विभेद भएको बताउनु भयो । गिरिजाप्रसाद कोइराला स्मृति प्रतिष्ठानका लागि ४० लाख बजेट विनियोजन गर्दा मदन भण्डारी स्मृति प्रतिष्ठानका लागि २ करोड रुपैयाँ दिइएको उहाँले सुनाउनु भयो ।
सत्तारुढ दलका सांसदहरुले भने बजेटको बचाउ गरेका छन् । प्रदेशभरका सबै क्षेत्र र तहमा बिकासका लागि बजेट निनियोजन गरिएको भन्दै कार्यान्वयनमा ध्यान दिन सुझाव दिएका छन् ।

x

Check Also

ट्याक्टर संघको ट्राफिक सचेतना कार्यक्रम सम्पन्न

सप्तरङ्गी एफ.एम. दमक/मंशिर १/ झापा कन्काईमाई ट्याक्टर संघ दमकले आज आफ्ना सादस्यहरुलाई ट्राफिक सचेतना सम्बन्धि ...

तक्मे बुढाद्वारा भुटानी शरणार्थि शिबिरमा सहयोग

सप्तरङ्गी एफ.एम. दमक/मंशिर १/ हाँस्य कलाकार विल्सन विक्रम राई तक्मे बूढाले भूटानी शरणार्थी विधार्थीको अध्ययन ...

महिला विभेदसम्बन्धी अभियान शसक्त बनाउनु पर्नेमा प्रदेश २ का मुख्यमन्त्री लालबाबु राउतको जोड

सप्तरङ्गी एफ.एम. दमक/मंशिर १/ प्रदेश नम्बर २ का मुख्य मन्त्री लालबाबु राउतले महिला विभेदसम्बन्धी अभियान ...

जुरोपानी बहुद्देस्सीय सहकारीको आयोजनामा रक्तदान कार्यक्रम सम्पन्न

सप्तरङ्गी एफ.एम. दमक/मंशिर १/ झापाको गौरादह नगरपालिका ८ स्थित जुरोपानीमा रक्तदान कार्यक्रम सम्पन्न भएको छ ...

दमकमा कर दिवस मनाईयो

सप्तरङ्गी एफ.एम. दमक/मंशिर १/ आन्तरिक राजस्व कार्यालय दमकको आयोजनामा आज ७ औं कर दिवस मनाईएको ...