Home / ट्रेन्डिङ्ग / दमक नगरपालिकाद्वारा १ अर्व २२ करोड ९७ लाख हाराहारीको बजेट तथा कार्यक्रम सार्वजनिक

दमक नगरपालिकाद्वारा १ अर्व २२ करोड ९७ लाख हाराहारीको बजेट तथा कार्यक्रम सार्वजनिक

सप्तरङ्गी एफ.एम./असार ९ / दमक
दमक नगर पालिकाले आर्थिक नीति तथा विधेयकको मस्यौदा पेश गर्दै १ अर्व २२ करोड ९६ लाख हाराहारीको बजेट तथा कार्यक्रम आज सार्वजनिक गरेको छ ।
नगरको तेस्रो नगरसभामा दमक नगर पालिकाका प्रमुख रोमनाथ ओलीले आगामी आर्थिक बर्ष २०७५÷०७६ का लागि १ अर्व २२ करोड ९६ लाख ८९ हजार १ सय १५ रुपयाँको बजेट तथा कार्यक्रम सार्वजनिक गर्नु भएको हो । सभामा नगरप्रमुख ओलीले कुल बजेटलाई ५० जनसंख्या, ३५ क्षेत्रफल र १५ प्रतिशत गरिवी न्यूनिकरणमा विनियोजन गरेको बताउनु भयो ।

नगर सभामा उप प्रमुख गीता अधिकारीले प्रस्तुत गर्नुभएको दमक नगरपालिकाको विनीयोजन ऐन २०७५ लाई हलबाट पारित गरिएको छ । ऐनले नगरको कुल बजेटलाई नगरको सञ्चित कोषबाट खर्च गर्न सकिने विधेयकको रुपमा मस्यौदा पेश गरेको छ ।
सभामा नगर उप प्रमुख अधिकारीले प्रस्तुत गरेको आर्थिक विधेयक २०७५ पारित गर्दै सम्पति कर लगायत, बहाल, व्यवसाय, सवारी, अखेटोपहरा, विज्ञापन, मनोरञ्जन, पशुहाट लगायतका १७ वटा शीर्षकका करलाई मस्यौदाको रुपमा पेश गरिएको छ । यस्तै सभामा असुली विधेयकलाई समेत मस्यौदाको रुपमा पेश गरिएको छ ।

सभामा नगरका विभिन्न वडाका वडा सदस्यहरु शुकदेव लुईंटेल, तिलकबहादुर थापा, सिताराम पोखरेल, लक्ष्मी दाहाल, कृतिका भट्टराई, मिना विश्वकर्मा लगायतले सभामा नउठेका र समेट्नु पर्ने नीति तथा कार्यक्रम सुझावका रुपमा पेश गर्नु भएको छ । नगरका प्रशासकीय अधिकृत गणेशप्रसाद तिम्सिनाले प्रदेश सरकारको बजेटको सुनिश्चिता नभएकोले अघिल्लो आर्थिक बर्ष भार व्यहोर्नु परेको कारण कतिपय योजनाहरुमा आर्थिक बजेट विनियोजन गर्न असमर्थ भएको बताउनु भयो । सभाले आज पेश गरेको विधेयक र बजेट तथा नीति कार्यक्रमलाई आगामी १२ गते संसोधन तथा पारित गर्ने सभामा नगर प्रमुख ओलीले जानकारी दिनु भएको छ ।

x

Check Also

दमक वडा नम्बर ६ मा निशुल्क स्वास्थ्य शिबिर सम्पन्न

सप्तरङ्गी एफ.एम. दमक/असार ३१/ दमक नगरपालीका वडा नम्बर ६ मा आज बिभिन्न रोगहरुको निशुल्क परिक्षण ...

दमक मालपोतमा अनलाईन सेवा सुरु

सप्तरङ्गी एफ.एम. दमक/असार ३१/ दमकमा रहेको मालपोत कार्यालयले सेवाग्राहीहरुको सुविधालाई ध्यानमा राखेर आजबाट अनलाईन सेवा ...

खबरदार, होसियार 

खबरदार, होसियार  भानुभक्त आचार्य —————- जस्को नामै सिंहदरबार । हिंश्रक, भयानक, अजंघको सिंहले आक्रमण नगरोस् ...

सप्तकोशी नदीमा पानीको बहाब अत्यधिक बढेपछि २९ वटा ढोका खोलीए

सप्तरङ्गी एफ.एम. दमक/असार ३१/ पहाडी जिल्लामा लगातार परेको अविरल वर्षाका कारणसप्तकोशी नदीमा पानीको बहाव अत्यधिक ...

प्रधानमन्त्री केपी ‘काका’ लार्इ भतिजको चिट्‍ठी

काकालाई भतिजको पत्र प्रिय ओली काका, प्रणाम । बालुवाटारमा पनि उत्तिसारो आनन्द छैन होला । ...