Home / ताजा समाचार / झापामा ५ स्थानीय तह बाढीको उच्च जोखिममा ,गएको २ बर्षमा २८ जनाको ज्यान गयो ५ जना बेपत्ता

झापामा ५ स्थानीय तह बाढीको उच्च जोखिममा ,गएको २ बर्षमा २८ जनाको ज्यान गयो ५ जना बेपत्ता

११ असार २०७५/सप्तरंगी एफएम/डिकेश लामा
बाढीको उच्च जोखिममा रहेका झापाका ५ वटा गाऊँ पालिकालाई विपद व्यवस्थापनमा विशेष ध्यान दिन आग्रह गरिएको छ । नेपाल रेडक्रस सोसाइटी झापाको संयोजन तथा स्थानीय गाऊँ पालिकाहरुको आयोजनामा भएका कार्यक्रममा विपदबाट बच्न के कस्ता उपाय र स्थानीय संयन्त्र निर्माण गर्ने भनी पूर्व तयारी प्रकृयाबारे सचेतना गोष्ठी संचालन गरिएको छ ।

आज झापाको कमल गाऊँ पालिकामा भएको सचेतना गोष्ठीमा सोसाइटीका सभापति लोकराज ढकालले झापामा लगातार २ बर्ष अति ठूलो विपद आएकोले यस बर्ष पूर्व सर्तकतबाारे अभियान संचालन गरेकोे बताउनु भयो । ढकालका अनुसार झापाको झापा, गौरीगञ्ज कचनकवल, वारादशी र कमल गाऊँपालिका क्रमश विपदको उच्च जोखिममा रहेको बताउनु भयो । विपद न्यूनिकरणका लागि केन्द्र, प्रदेश र जिल्ला भन्दा धेरै कार्य स्थानीय तहले गर्नु पर्ने भएकोले यसबारे कार्यनीति बनाएर अगाडि बढे केही हदसम्म धनजनको जोखिम कम हुने ढकालले बताउनु भयो ।

गत वर्ष भएको बाढीका कारण झापामा भएको ठूलो धनजनको क्षति जोगाउँन यस बर्ष बर्षात पूर्व नै गाऊँपालिकाहरुलाई विशेष व्यवस्था गर्न विपद जोखिम न्यूनिकरण तथा व्यवस्थापन ऐन २०७४ अन्तर्गतको कार्य गर्न सोसाइटीले सहजीकरण गरेको हो ।

राज्यको पूनर्संरचना अनुसार केही अति आवश्यक कार्य बाहेक स्थानीय तहले नै काम गर्नु पर्ने भएकोले अति जोखिम क्षेत्रमा जनप्रतिनिधि, प्रहरी, कर्मचारी सहित सामाजिक अगुवाहरुलाई विपद न्यूनिकरण पुर्व र पश्चात गर्ने कार्य बारे सचेतना दिइएको छ । कमल गाऊँपालिकाकी अध्यक्ष मेनुका काफ्लेको सभापतित्वमा भएको कार्यक्रममा गाऊँपालिका जनप्रतिनिधि, प्रहरी, कर्मचारी, सामाजिक अगुवाहरुको उपस्थिति रहेको छ ।

झापामा गएको २ बर्षमा विपदमा परी २८ जनाको ज्यान गएको छ भने ५ जना बेपत्ता भएका छन् ।

x

Check Also

ताप्लेजुङमा ४.६ रेक्टरस्केलको भुकम्प

सप्तरङ्गी एफएम दमक /३ फागुन २०७५ ताप्लेजुङ / ताप्लेजुङको कन्चनजङ्घा आसपास केन्द्रबिन्दु भएर हिजो ४.६ ...

भारतको जम्बु काश्मिरमा भीषण आतंकबादी हमला

सप्तरङ्गी एफएम / २ फागुन २०७५ ्भरतको जम्मू–कश्मीर राज्यको पुलावामा जिल्ला भएको ठूलो आतंकवादी आक्रमणमा ...

दमक ८ मा रहेको पूर्वाञ्चल मन्टेश्वरी स्कुलको आठौँ बार्षिकोत्सव सम्पन्न

सप्तरङ्गी एफ.एम. दमक फागुन दमक ८ मा रहेको पूर्वाञ्चल मन्टेश्वरी स्कुलले बिहिबार आफ्नो आठौ बार्षिकोत्सव ...

दमक १० सेतुमारीस्थित दुर्गा पाञ्चायन मन्दिरको सामुदायिक भवन शिलान्यास

सप्तरङ्गी एफ.एम. दमक/ २ फागुन २०७५ दमक १० सेतुमारीस्थित दुर्गा पाञ्चायन मन्दिरमा सामुदायिक भवन शिलान्यास ...

भेरी नदीमा यात्रुबाहक बस खस्दा चार जनाको मृत्यु

   सप्तरंगी एफएम /२ फागुन २०७५ जाजरकोट – बाँकेको नेपालगञ्जबाट रुकुम पश्चिम राडीबजारतर्फ जाँदै गरेको ...