Home / ट्रेन्डिङ्ग / दमक बहुमुखी क्याम्पसका प्रमुखलाई हातपात गर्ने बिद्यार्थि नेता भण्डारी क्याम्पसबाट निश्कासीत

दमक बहुमुखी क्याम्पसका प्रमुखलाई हातपात गर्ने बिद्यार्थि नेता भण्डारी क्याम्पसबाट निश्कासीत

सप्तरङ्गी एफ.एम. दमक/असार १७/
विद्यार्थीले क्याम्पस प्रमुख माथि हातपात गरेको भन्दै झापाको दमक बहुमुखी क्याम्पसले एक जना विद्यार्थी नेतालाई निष्कासन गरेको छ ।
दुई दिन अघि क्याम्पस प्रमुख उत्तम भट्टराईमाथि क्याम्पसकै स्वतन्त्र विद्यार्थी यूनियन (स्ववियू) सचिव रोशन भण्डारीले हातपात गरेको भन्दै भण्डारीलाइ आजदेखि क्याम्पसबाट निस्कासन गरिएको हो । क्याम्पसका प्राध्यापकसहितको संयुक्त बैठकले स्नातक दोश्रो वर्षमा अध्ययनरत स्ववियू सचिव भण्डारीले क्याम्पसको शैक्षिक वातावरणमा खलल पु¥याएको, क्याम्पसको आचारसंहिता उल्लङघन गरेको ठहर गरि निष्कासनसहितको कारवाही गरिएको क्याम्पसद्धारा जारी विज्ञप्तिमा उल्लेख छ ।
क्याम्पस प्रमुख भट्टराईले सार्वजनिक सूचना निकालेर भण्डारीलाई क्याम्पसको विधान २०५० शंसोधन २०६३ को परिच्छेद १६ को दफा बमोजिम भविष्यमा समेत अयोग्य ठहरिने गरि क्याम्पसबाट निष्कासन गरिएको बताउनुभयो । भण्डारीले क्याम्पसमा सञ्चालित परिक्षामा आफूलाई जसरी भएपनि पास गराइदिन सहयोग पु¥याईदिन भनेको र त्यसलाई अस्वीकार गर्दा क्याम्पस प्रमुख भट्टराईमाथिनै हातपात गरेको उल्लेख छ ।
अस्ति शुक्रबार विहान क्याम्पसमा भएको सो घटनापछि दुवै पक्षले एकअर्कालाई अभियोग लगाउदै आएका छन् । क्याम्पस प्रमुख भट्टराईले शुक्रवारनै इलाका प्रहरी कार्यालयमा उजुरी गर्नु भएको छ ।
तर, यता विद्यार्थी नेता भण्डारीले भने आफूमाथि क्याम्पस प्रमुख भट्टराईले क्याम्पसको विकृतिको विषय उठाउदाँ उल्टै हातपात गरेको बताउनु भएको छ ।
यसैवीच दमक क्याम्पसका स्ववियू सभापति विनोद चापागाईले भने क्याम्पसमा भएको यस घटनाको सत्य, तथ्य छानविन गर्न माग गर्नुभएको छ । क्याम्पस प्रमुख र स्ववियू पदाधिकारीवीच यसरी लफडा हुनु शोभनीय नहुने भन्दै स्ववियु सभापती चापागाईंले उचित ढंगले यसलाई समाधान गर्नुपर्ने बताउनु भयो ।

x

Check Also

ट्याक्टर संघको ट्राफिक सचेतना कार्यक्रम सम्पन्न

सप्तरङ्गी एफ.एम. दमक/मंशिर १/ झापा कन्काईमाई ट्याक्टर संघ दमकले आज आफ्ना सादस्यहरुलाई ट्राफिक सचेतना सम्बन्धि ...

तक्मे बुढाद्वारा भुटानी शरणार्थि शिबिरमा सहयोग

सप्तरङ्गी एफ.एम. दमक/मंशिर १/ हाँस्य कलाकार विल्सन विक्रम राई तक्मे बूढाले भूटानी शरणार्थी विधार्थीको अध्ययन ...

महिला विभेदसम्बन्धी अभियान शसक्त बनाउनु पर्नेमा प्रदेश २ का मुख्यमन्त्री लालबाबु राउतको जोड

सप्तरङ्गी एफ.एम. दमक/मंशिर १/ प्रदेश नम्बर २ का मुख्य मन्त्री लालबाबु राउतले महिला विभेदसम्बन्धी अभियान ...

जुरोपानी बहुद्देस्सीय सहकारीको आयोजनामा रक्तदान कार्यक्रम सम्पन्न

सप्तरङ्गी एफ.एम. दमक/मंशिर १/ झापाको गौरादह नगरपालिका ८ स्थित जुरोपानीमा रक्तदान कार्यक्रम सम्पन्न भएको छ ...

दमकमा कर दिवस मनाईयो

सप्तरङ्गी एफ.एम. दमक/मंशिर १/ आन्तरिक राजस्व कार्यालय दमकको आयोजनामा आज ७ औं कर दिवस मनाईएको ...