Home / ट्रेन्डिङ्ग / प्रदेश नम्बर १ को नाम र राजधानी आगामी साउन महिनासम्ममा टुङ्गो लाग्छ : आन्तरिक मामिला तथा कानुन मन्त्री हिक्मत कार्की

प्रदेश नम्बर १ को नाम र राजधानी आगामी साउन महिनासम्ममा टुङ्गो लाग्छ : आन्तरिक मामिला तथा कानुन मन्त्री हिक्मत कार्की

सप्तरङ्गी एफ.एम. असार २४ /दमक/डिकेशलामा/ झगेन्द्र खड्का/
अन्य प्रदेशको नाम र राजधानी टुङ्गो लाग्दै आइरहेको अवस्थामा प्रदेश नम्बर १ को नाम र राजधानी पनि आगामी साउन महिनासम्म टुङ्गो लाग्ने बताइएको छ ।
आज गौरादह नगरपालिकाको दोस्रो नगरसभामा बोल्दै प्रदेश नम्बर १ का आन्तरिक मामिला तथा कानुन मन्त्री हिक्मत कार्कीले सो कुरा बताउनु भएको हो । कार्यक्रमका प्रमुख अतिथि रहनु भएका मन्त्री कार्कीले धेरैवटा नाम र राजधानीको प्रस्ताव आईरहेको भए पनि सवैलाई मान्य र सहज हुने तवरले आगामी साउन महिनासम्म प्रदेश नम्बर १ को नाम र राजधानी टुङगो लाग्ने दावी गर्नु भयो । मन्त्री कार्कीले आगामी बर्षहरुमा झापा र मोरङ्गमा भईरहेको नदिको जोखिम र समस्या पनि हट्दै जाने बताउनु भयो ।
कार्यक्रमका सभापति तथा गौरादह नगरपालिकाका मेयर रोहित कुमार शाहले आगामी आर्थिक बर्ष २०७५÷०७६ का लागि ७९ करोड ६० लाख ९० हजार रकमको सिलिङ्ग बजेट पेश गर्नु भएको छ ।
सार्वजनिक नीति तथा कार्यक्रममा गत वर्षको बजेटको समिक्षा गर्दै गौरादह नगरलाई सन्तुलित ढंगले पूर्वाधार विकास लाई अगाडि बढाउँदै व्यवस्थीत शहरीकरण, नागरिकलाई सार्वजनिक सेवा मा पहुँचको विकास, विस्तार र सिंहदरबार गाउँमा आएको जनतालाई प्रत्यक्ष अनुभुति गराउने कार्यक्रमहरु समावेश गरिएको छ । गौरादह नगरलाई योजनाबद्ध विकास को मार्गमा हिंडाई आर्थिक, सामाजिक विकास मार्फत रोजगारीको सिर्जना, सुशासनको माध्यमबाट नागरिकलाई गुणस्तरीय सेवा प्रदान गर्ने लक्ष्य लिएको नीति तथा कार्यक्रम रहेको नगर प्रमुख शाहले जानकारी दिनुभयो । नगरमा रिङ रोड निर्माण कार्य शुरु गर्ने, बस पार्क को लागी जग्गा व्यवस्थापन, सडक सन्जाल विस्तार गरी पर्यटन प्रर्वद्धन, नगर भित्रका कार्यलयहरुमा इ–गभरनेन्स सेवा पु¥याउने, ३ वर्ष भित्र साक्षर नगर बनाउने, आधुनिक रंगशाला निर्माण कार्यलाई नीति तथा कार्यक्रममा समावेश गरिएको छ ।
कार्यक्रममा उपमेयर गीता भेटवालले निर्वाचनमा जाँदा गरे भनेका जस्तो कार्यक्रमहरु जनतामाझ ल्याउन असहज भएकोले आगामी दिनमा सिंह दरबारको अधिकार गाऊँ घरमा भन्ने नारा तर्फ उन्मुख भएर काम गर्ने बताउनु भयो ।

x

Check Also

उत्कृष्ट भुटानी गितकारको खोजी प्रतियोगिता गरिँदै

सप्तरङ्गी एफ.एम. दमक/पुष २९/विश्वभरी रहेका नेपाली भाषी भुटानी गितकारहरुको खोजीको लागी कर्यक्रम हुने भएको छ ...

ईलामको चुलाचुलीमा सेनेटरी प्याड निर्माण तथा उद्घोषण तालिम सुरु

सप्तरङ्गी एफ.एम. दमक/ पुष २९ ,२०७५ झापाको कमल गाउँपालीकामा रहेको उद्यमशिल महिला जागरण केन्द्रको आयोजनामा र ...

खानेपानी तथा सरसफाई उपभोक्ता संस्था दमकको कार्य समितिमा कांग्रेस नेतृत्वको बहुमत , यसअघि पटक पटक नेतृत्व गरेको नेकपाको लज्जास्पद हार

सप्तरङ्गी एफ.एम. दमक/पुष २९/दमकमा सम्पन्न दमक खानेपानी तथा सरसफाई उपभोक्ता संस्थाको निर्वाचनमा नेपाली कांग्रेससहितको लोकतान्त्रिक ...

निर्मला पन्तको बलात्कार र हत्याको टाटो हेर्न दमकमा भ्यु टावर बनाउन लागेको भन्दै प्रधानमन्त्रीलाई कांग्रेस नेता मिनेन्द्र रिजालको व्यंग्य

सप्तरङ्गी एफ.एम. दमक/पुष २९/नेपाली कांग्रेसका नेता एवं पूर्व मन्त्री मिनेन्द्र रिजालले निर्मला बलात्कार र हत्याको ...

मंगलमयको ४७ औ बार्षिकोत्सव तथा अभिभावक दिवस सम्पन्न

सप्तरंगी एफएम दमक, २७ पुस २०७५ झापाको कमल गाँउपालिका ५ स्थित मंगलमय माध्यमिक विद्यालयले आज ...