Home / ट्रेन्डिङ्ग / दमक नगरपालीकामा असारे बजेट सक्न रातारात निर्माण कार्य हुँदै , असार मसान्तमा बजेट सक्ने हतारोले काम गर्दा गुणस्तरहिन निर्माण हुने उपभोक्ताको आशंका

दमक नगरपालीकामा असारे बजेट सक्न रातारात निर्माण कार्य हुँदै , असार मसान्तमा बजेट सक्ने हतारोले काम गर्दा गुणस्तरहिन निर्माण हुने उपभोक्ताको आशंका

सप्तरङ्गी एफ.एम./असार २६ दमक/डिकेश लामा/
आर्थिक बर्ष सकिन केही दिन बाँकी रहेको अवस्थामा बजेट सक्नको लागी दमक नगरपालिकामा रातारात भौतिक निर्माणका कामहरु हुन थालेका छन् ।
प्रधानमन्त्री केपी शर्मा ओलीको गृह नगरमा करडौं रकमका योजनाहरु तिव्रतर रुपमा थालिएका हुन् ।
केही दिन अघि देखि दमक चौकबाट वेलडाँगी जाने सडकको काम थालिएको छ । दमकको रिङ्ग रोडको काम पनि सुचारु गरिएको छ । मुख्य राजमार्ग बाट पुर्व बसपार्क तर्पm लाग्ने सडक निर्माण पनि मध्य असारमा सुरु गरिएको हो । यस्तै नगरका अधिकतम् योजनाहरु यही आर्थिक बर्षमा सक्नु पर्ने भएकोले रातारात गर्न थालिएको हो । दमक नगरपालिकाले जनप्रतिनिधि आएको १ बर्ष सम्म चुपलागेर बसेर आर्थिक बर्षमा बजेट सक्नैका लागी कामहरुलाई तिब्रता दिएको हो । बर्षाको समयमा रातारात गरेर गरिएको निर्माण दिगो नहुने भन्दै नागरिकहरु भने चिन्तित भएका छन् ।


यस बर्ष गएको आर्थिक बर्ष भन्दा दोव्वर बढी योजना संचालन तथा निर्माण सम्पन्न गरेको छ । यस्तै १ करोड उपभोक्ताको लगानी र दमक नगर पालिकाको ३० करोड ७९ लाख बराबरको लगानीमा निर्माण भईरहेको दिपिनी सडक समेत यो आर्थिक बर्षमा नसकिने भएको छ ।
नगरको आन्तरिक बजेट २७ करोड ७३ लाख ३ हजार ५८ रुपयाँको लगानीमा ९ प्रकृतिका ३ सय २८ वटा योजनाको काम ८० प्रतिशत सकिएको दमक नगर पालिका इन्जिनियर तिर्थनारायण श्रेष्ठले जानकारी दिनुभयो । श्रेष्ठले धेरै काम सकिएको र नसकिएको कामलाई आउने आर्थिक बर्षमा सक्ने योजना बनाई अगाडि बढाईने बताउनु भयो । दमकमा कल्र्भट २४ वटा, ग्राभेल सडक १ सय ३, भवन तथा शौचालय निर्माण तथा मर्मत ५५ वटा, ढल २४ वटा, सिंचाई ४ वटा, ग्राभेल सहित ढल ९ वटा, ढलसहितको कालपत्रे सडक २५ वटा र ढल सहित लकिङ योजना ८ सहित ३ सय २८ वटा योजना संचालनमा रहेको दमक नगर पालिका प्राविधिक शाखाले जानकारी दिएको छ ।

अघिल्लो बर्ष दमक क्षेत्रमा १ सय २५ वटा योजना मात्र संचालनमा रहेका थिए । बजेट फ्रिज हुने डरमा रातारात काम गर्दा गुणस्तरमा कम्जोर र बजेटको दुरुपयोग हुने स्थानीय उपभोक्ताहरुले दावी गरेका छन् । तर दमक नगर पालिाका वडा नं. ७ का वडा सदस्य श्याम कार्की भने आपूmहरुले विकास निर्माणमा सक्दो अनुगमन र पारदर्शी ढंगबाट गरेको दावी गर्नु भएको छ ।
दमक क्षेत्रमा मात्र सहरी विकास मन्त्रालय अन्तर्गत शहरी विकास तथा भवन निर्माण विभाग, डिभिजन सडक कार्यालय, पुल शाखा लगायतको ठूलो लगानीमा समेत भौतिक निर्माणका कामहरु भईरहेका छन् ।

x

Check Also

उत्कृष्ट भुटानी गितकारको खोजी प्रतियोगिता गरिँदै

सप्तरङ्गी एफ.एम. दमक/पुष २९/विश्वभरी रहेका नेपाली भाषी भुटानी गितकारहरुको खोजीको लागी कर्यक्रम हुने भएको छ ...

ईलामको चुलाचुलीमा सेनेटरी प्याड निर्माण तथा उद्घोषण तालिम सुरु

सप्तरङ्गी एफ.एम. दमक/ पुष २९ ,२०७५ झापाको कमल गाउँपालीकामा रहेको उद्यमशिल महिला जागरण केन्द्रको आयोजनामा र ...

खानेपानी तथा सरसफाई उपभोक्ता संस्था दमकको कार्य समितिमा कांग्रेस नेतृत्वको बहुमत , यसअघि पटक पटक नेतृत्व गरेको नेकपाको लज्जास्पद हार

सप्तरङ्गी एफ.एम. दमक/पुष २९/दमकमा सम्पन्न दमक खानेपानी तथा सरसफाई उपभोक्ता संस्थाको निर्वाचनमा नेपाली कांग्रेससहितको लोकतान्त्रिक ...

निर्मला पन्तको बलात्कार र हत्याको टाटो हेर्न दमकमा भ्यु टावर बनाउन लागेको भन्दै प्रधानमन्त्रीलाई कांग्रेस नेता मिनेन्द्र रिजालको व्यंग्य

सप्तरङ्गी एफ.एम. दमक/पुष २९/नेपाली कांग्रेसका नेता एवं पूर्व मन्त्री मिनेन्द्र रिजालले निर्मला बलात्कार र हत्याको ...

मंगलमयको ४७ औ बार्षिकोत्सव तथा अभिभावक दिवस सम्पन्न

सप्तरंगी एफएम दमक, २७ पुस २०७५ झापाको कमल गाँउपालिका ५ स्थित मंगलमय माध्यमिक विद्यालयले आज ...