Home / राजनीति / सरकारले राज्य आतंक सुरुगर्यो : कांग्रेस नेता कृष्ण प्रसाद सिटौला

सरकारले राज्य आतंक सुरुगर्यो : कांग्रेस नेता कृष्ण प्रसाद सिटौला

सप्तरंगी एफएम  दमक /२७ असार २०७५

नेपाली कांग्रेसका नेता कृष्ण प्रसाद सिटौलाले सरकारले राज्य आतंक सुरु गरेको आरोप लगाउनु भएको छ ।

नेपाली कांग्रेस जिल्ला पार्टि कार्यालय झापामा आज जिल्ला स्तरिय कार्यकर्ता भेटघाट कार्यक्रमलाई सम्बोधन गर्दै पार्टिका पुर्व महामन्त्री समेत रहनु भएका नेता सिटौलाले राज्यले सुरु गरेको आतंकले बिद्रोही पक्षलाई मात्रै फाईदा हुने बताउनु भयो । अहिलेको सरकार निरंकुश हुने लक्षण देखिएको भन्दै नेता सिटौलाले लोकतन्त्रको बिकल्प लोकतन्त्र मात्रै भएको बताउनु भयो ।

शान्तिपुर्ण आन्दोलन गर्न पाउने जनताको अधिकारलाई संबिधानलेनै ग्यारेन्टी गरेको बताउँदै पुर्व उप प्रधान तथा गृहमन्त्री सिटौलाले अहिलेको सरकारले जनताको संबैधानीक अधिकार खोसेको बताउनु भयो । सत्तारुढ दलले संबिधानको दुरुपयोग गरेको बताउँदै सिटौलाले राज्यले अभिभावकको भुमिका निर्वाह गर्नु पर्नेमा त्यसबाट अहिलेको सरकार चुकेको बताउनु भयो ।

जति बलियो सरकार भए पनि सरकारले अधिकारको दुरुपयोग गर्न नहुने भन्दै दोस्रो जनआन्दोलन पछि तत्कालीन प्रधानमन्त्री गिरिजा प्रसाद कोईरालाको सरकार नेपालमा हाल सम्ममै सबै भन्दा बलियो भए पनि अधिकारको दुरुपयोग नगरेको स्मरण गराउनु भयो । सभामुख उप सभामुख प्रकरणमा वर्तमान सत्तारुढ दलले संबिधानको बदनियत पुर्ण दुरुपयोग गरेको उहाँले बताउनु भयो ।

कांग्रेसका सबै कार्यकर्ताहरुलाई संगठन सुदृढिकरणको लागी गाउँ गाउँमा कार्यक्रम लिएर जान निर्देशन दिँदै नेता सिटौलाले नेपाली कांग्रेसको जग बलियो भएका कारण एउटा निर्वाचन हार्दैमा पार्टिलाई कुनै असर नगर्ने बताउनु भयो । लोकतन्त्रको जग संग कांग्रेसको जग रहेको भन्दै आगामी निर्वाचनमा पार्टिलाई पहिलो बनाउने लक्षका साथ कार्यक्रममा खटिन कार्यकर्ताहरुलाई नेता सिटौलाले निर्देशन दिनुभयो ।

x

Check Also

ताप्लेजुङमा ४.६ रेक्टरस्केलको भुकम्प

सप्तरङ्गी एफएम दमक /३ फागुन २०७५ ताप्लेजुङ / ताप्लेजुङको कन्चनजङ्घा आसपास केन्द्रबिन्दु भएर हिजो ४.६ ...

भेरी नदीमा यात्रुबाहक बस खस्दा चार जनाको मृत्यु

   सप्तरंगी एफएम /२ फागुन २०७५ जाजरकोट – बाँकेको नेपालगञ्जबाट रुकुम पश्चिम राडीबजारतर्फ जाँदै गरेको ...

१ बर्ष भित्र निर्माण गरिसक्ने भन्दै शिलान्यास गरिएको दमकको रोज गार्डेन पार्कमा १ बर्ष पुग्दा शिलान्यासमा रोपिएकै गुलाफका बिरुवा वेपत्ता

सप्तरङ्गी एफ.एम. दमक/फागुन २/दमक नगरपालीकाले दमक वडा नम्बर ७ मा एक बर्ष भित्र बनाईसक्ने भनेर ...

कमल गाउँपालिकाको आयोजनामा वृहत साहित्यिक कार्यक्रम हुने

सप्तरङ्गी एफ.एम. दमक / १ फागुन २०७५ कमल / कमल गाउँपालिकाको आयोजनामा वृहत साहित्यिक कार्यक्रम ...

मुलुकभित्र र बाहिरका असन्तुष्ट शक्तिले सरकारलाई उल्ट्याउने, र फेरि अस्थिरता पैदा गर्ने प्रयास गरिरहेका छन् :गृहमन्त्री थापा

सप्तरङ्गी एफ.एम. दमक फागुन १गृहमन्त्री रामबहादुर थापाले मुलुकभित्र र बाहिरका असन्तुष्ट शक्तिले सरकारलाई उल्ट्याउने, कमजोर ...