Home / खेलकुद़़ / “वान डे क्रीकेट” मा नेपालको “डेब्यु” , आज नेदरल्याण्ड्ससँग खेल्दै

“वान डे क्रीकेट” मा नेपालको “डेब्यु” , आज नेदरल्याण्ड्ससँग खेल्दै

साउन १६, २०७५ ,काठमाडाैं –

नेपालले आज नेदरल्याण्ड्ससँग ऐतिहासिक एकदिवसीय क्रिकेट खेल्दैछ । खेल नेपाली समय अनुसार पौने ३ बजे आमस्टेल्भिन स्टेडियममा हुनेछ । नेदरल्यान्डविरुद्ध तय भएको २ खेलको एक दिवसीय अन्तर्राष्ट्रिय क्रिकेट सिरिज अन्तर्गतको अाजकाे खेल पहिलो खेल हाे ।

गएको आइतबार मेरिलेबोन क्रिकेट क्लब एमसीसी र नेदरल्याण्ड्सबीच त्रिकोणात्मक टी–२० क्रिकेट सिरिज खेलेका यी दुई टोली संयुक्त विजेता भएका थिए । नेपालका लागि यो खेल इतिहास पनि हो ।  खेलमा राम्रो लय समाति रहेको नेपालले  एकदिवसीय खेलमा पनि राम्रै प्रदर्शन रहने अपेक्षा गरिएको छ ।

गएको आइतबार नेपाल र नेदरल्याण्डबीच भएको खेल वर्षाका कारण प्रभावित भएपछि दुवै टिमलाई संयुक्त विजेता घोषणा गरिएको थियो ।

नेपाली टोलीको बलिङ पक्ष राम्रो देखिन्छ । पछिल्ला दिनहरुमा ब्याटिङ पनि सुध्रिदै गएको छ । यही क्रमलाई निरन्तरता दिँदै नेपालले प्रदर्शन गर्यो भने नेपालले जित हासिल गर्न सक्छ ।

नेपाली टोलीमा पारस खड्का, ज्ञानेन्द्र मल्ल, शरद भेषवाकर, शक्ति गौचन, बसन्त रेग्मी, सोमपाल कामी, सुवास खकुरेल, करण केसी र सन्दीप लामिछाने, दीपेन्द्रसिंह ऐरी, ललितसिंह भण्डारी, रोहित पौडेल, ललितनारायण राजवंशी, अनिलकुमार साह र आरिफ सेख रहेका छन् ।

नेपाली टोलीमा रहेका शक्ति गौचन, सन्दीप लामिछाने, बसन्त रेग्मी, करन केसी र सोमपाल कामी उत्कृष्ट बलर हुन् भने नेपाली टोलीमा कप्तान पारस खड्का, ज्ञानेन्द्र मल्ल, शरद भेषावकर, सुवास खकुरेल, अनिल शाहलाई ब्याटिङको जिम्मेवारी दिइने गरिएको छ ।

नेपाली टोलीको लामो समयको परिश्रम र प्रतीक्षापछि हासिल भएको सफलताका रुपमा यो एक दिवसीय खेललाई हेरिएको कप्तान पारस खड्काले प्रतिक्रिया दिएका छन् । खड्काले आईसीसीसँगको अन्तर्वार्तामा भनेका छन् ‘नेदरल्याण्ड्सविरुद्धको पहिलो एकदिवसीय खेल नयाँ यात्राको थालनी हो। यो स्तरको यात्रालाई निरन्तरता दिँदै टेस्टको मान्यता पाउने अबको लक्ष्य रहेको छ ।’

नेपाली क्रिकेट टिमले इंग्ल्यान्डमा ४ अभ्यास खेल खेल्नुका साथै नेदरल्यान्ड्स र एमसीसीसँग त्रिकोणात्मक टि–ट्वान्टी क्रिकेट सिरिज खेलेको थियो । नेदरल्यान्ड्स नेपालभन्दा बलियो टिम हो । नेदरल्याण्डको घरेलु मैदान भएकाले पनि उसलाई केही हदसम्म सजिलो हुने अपेक्षा छ ।

सन् १९८८ मा आईसीसीको सदस्य बनेको नेपालले सन् १९९६ मा एसोसिएट राष्ट्रको मान्यता पाएको थियो । २०१८ मार्चमा नेपालले एक दिवसीय अन्तर्राष्ट्रिय मान्यता पाएको थियो । यो नेपालको लागि अहिलेसम्मकै सबैभन्दा ठूलो उपलब्धि हो ।

x

Check Also

ताप्लेजुङमा ४.६ रेक्टरस्केलको भुकम्प

सप्तरङ्गी एफएम दमक /३ फागुन २०७५ ताप्लेजुङ / ताप्लेजुङको कन्चनजङ्घा आसपास केन्द्रबिन्दु भएर हिजो ४.६ ...

भेरी नदीमा यात्रुबाहक बस खस्दा चार जनाको मृत्यु

   सप्तरंगी एफएम /२ फागुन २०७५ जाजरकोट – बाँकेको नेपालगञ्जबाट रुकुम पश्चिम राडीबजारतर्फ जाँदै गरेको ...

१ बर्ष भित्र निर्माण गरिसक्ने भन्दै शिलान्यास गरिएको दमकको रोज गार्डेन पार्कमा १ बर्ष पुग्दा शिलान्यासमा रोपिएकै गुलाफका बिरुवा वेपत्ता

सप्तरङ्गी एफ.एम. दमक/फागुन २/दमक नगरपालीकाले दमक वडा नम्बर ७ मा एक बर्ष भित्र बनाईसक्ने भनेर ...

कमल गाउँपालिकाको आयोजनामा वृहत साहित्यिक कार्यक्रम हुने

सप्तरङ्गी एफ.एम. दमक / १ फागुन २०७५ कमल / कमल गाउँपालिकाको आयोजनामा वृहत साहित्यिक कार्यक्रम ...

मुलुकभित्र र बाहिरका असन्तुष्ट शक्तिले सरकारलाई उल्ट्याउने, र फेरि अस्थिरता पैदा गर्ने प्रयास गरिरहेका छन् :गृहमन्त्री थापा

सप्तरङ्गी एफ.एम. दमक फागुन १गृहमन्त्री रामबहादुर थापाले मुलुकभित्र र बाहिरका असन्तुष्ट शक्तिले सरकारलाई उल्ट्याउने, कमजोर ...