Home / अपराध / आमाकै सहयोगमा बिराटनगरमा एक बालिका माथि बलात्कार प्रयास

आमाकै सहयोगमा बिराटनगरमा एक बालिका माथि बलात्कार प्रयास

सप्तरङ्गी एफ.एम./साउन १८/
मोरंग विराटनगर महानगरपालीका वडा नम्बर १५ की एक १४ वर्षीया बालिकालाई उनकै आमाको सहयोगमा बलात्कारको प्रयास भएको उजुरी प्रहरीमा परेको छ । आफ्नी १४ वर्षीया छोरीलाई श्रीमतीकै सहयोगमा विराटनगर ५ बस्ने ४० वर्षीय शम्भु पाण्डेले बलात्कारको प्रयास गरेको भन्दै बालिकाका बुबाले जिल्ला प्रहरी कार्यालय मोरङमा बिहीबार किटानी जाहेरी दिएका हुन् । बालिकाको बुबाले दिएको उजुरीमा पाण्डे र बालिकाकी आमा गत मंगलबार ४ बजे आफू नभएको मौका छोपेर कोठामा अस्तव्यस्त शारीरिक अवस्थामा रक्सी र मासु खाएर बसेको र सोही बेला छोरी स्कुलबाट घर पुग्दा बलात्कारको प्रयास भएको उल्लेख छ । पाण्डेले बालिकाले स्कुलको ड्रेस चेन्ज गरेको बेलामा उनकै कोठामा गएर आमालाई २०० रुपैयाँ दिने कुरा गरेको र बालिकालाई पनि ५० रुपैयाँ दिन्छु, डान्स सिकाइदिन्छु, हिरोइन बनाइदिन्छु भन्दै जबर्जस्ती गरेको जाहेरीमा उल्लेख छ । जाहेरीअनुसार अभियुक्त पाण्डेले बालिकाको संवेदनशील अंगमा हात र्पुयाएर कपडा खोल्ने प्रयास गर्दा उनी भाग्ने प्रयास गरेकी थिइन् तर उनकै आमाले ढोकामा उभिएर भाग्न उम्कन नदिई छोरीको खुट्टा समाएको र पाण्डेले हात समाई भुइँमा लडाउने प्रयास गरेको जाहेरीमा उल्लेख छ । ‘छोरीले हार गुहार गरी कराई कोठाबाट उम्कन सफल भएपछि मलाई फोन गरेर बताएपछि म घर पुग्दा दुवै जना भागिसकेका थिए’, बुबाले जाहेरीमा उल्लेख गरेका छन् । बालिकाका बुबाले निज पाण्डेलाई बलात्कार अभियोगमा कारबाहीको माग गरेका छन् । प्रहरीले बालिकाकी आमालाई पक्राउ गरी सार्वजनिक अपराध मुद्दामा म्याद थप गरेको र फरार रहेका पाण्डेको खोजी भइरहेको जनाएको छ ।

x

Check Also

आफुलाई धोका दिन लागेको भन्दै मोरंगमा एक युवतिको विभत्स हत्या

सप्तरङ्गी एफ.एम. दमक भदौ १ मोरङको ग्रामथानमा एक युवतीको हत्या भएको छ । ग्रामथान गाउँपालिका ...

हिमावि दमकको अभिभावक भेला बिथोलीयो , आफ्नो अध्यक्ष आँपैंmले चुन्न पाउनु पर्ने अभिभावकको माग

सप्तरङ्गी एफ.एम. दमक/भदौ १/ दमक २ मा रहेको हिमालय माध्यमिक बिद्यालयको आज बोलाईएको अभिभावक भेला ...

सामुदायिक प्रहरी दमकद्धारा परिचयात्मकसहित अन्तरकृया

सप्तरङ्गी एफ.एम. दमक/साउन ३१/ सामुदायिक प्रहरी सेवा केन्द्रले आज इलाका प्रहरी कार्यालय दमकमा भर्खरै आउनुभएका ...

गुरुकुलका बटुकले धान्दै नाग पञ्चमी पर्व

सप्तरङ्गी एफ.एम. दमक/साउन ३१/ आज नाग पञ्चमी नागको पुजा गरी मनाईएको छ । पछिल्लो समय ...

दमक–६ स्थित द एभरेष्ट बचत तथा ऋण सहकारीद्वारा बृक्षरोपण

सप्तरङ्गी एफ.एम. दमक/साउन ३१/ हरित नगरको परिकल्पनालाई सार्थक बनाउन उद्देश्यले दमक–६ स्थित द एभरेष्ट बचत ...