गजल

गजलकार : रोमन लामिछाने

चौतारीको बर सम्झिन्छु मन अमिलो हुन्छ
बुढी आमा घर सम्झिन्छु मन अमिलो हुन्छ

बिर्सिन्छौ की भन्दै रोएकी थियौ छुट्नेबेला
त्यो मनको डर सम्झिन्छु मन अमिलो हुन्छ

खै यहाँ त एकै छाक पनि पसिना गन्हाउँछ
दहि चिउरा तर सम्झिन्छु मन अमिलो हुन्छ

मनमा के-के सपना साचेर बिदा दिएकि हौली
ति तिम्रा रहर सम्झिन्छु मन अमिलो हुन्छ

सोच्छु अब कसरी एकै बन्न सकौला र प्यारी
तिम्रो मेरो थर सम्झिन्छु मन अमिलो हुन्छ

x

Check Also

आजबाट प्रदर्शनमा आएको चलचित्र कायराको दमकका उत्साहजनक व्यापार

सप्तरङ्गी एफ.एम. दमक/साउन १८/ आज बाट देशैभर प्रदर्शनमा आएको अभिनेता आर्यन सिग्देलको ड्रिम प्रोजेक्ट ‘कायरा’ ...