Home / ताजा समाचार / २४ औं अन्तराष्ट्रिय आदिवासी दिवशको अवसरमा विविध कार्यक्रम

२४ औं अन्तराष्ट्रिय आदिवासी दिवशको अवसरमा विविध कार्यक्रम

सप्तरङ्गी एफ.एम. दमक / साउन २४, २०७५

२४ औं अन्तराष्ट्रिय आदिवासी दिवशको अवसरमा आज देशभर विविध कार्यक्रम सम्पन्न भएका छन् । दमकमा आदिवासी जनजाति महासंघ दमक नगर समितिको आयोजना तथा दमक नगर पालिकाको सहयोगमा नाराजुलुस सहित निकालेको र्याली दमक बजार क्षेत्र परिक्रममा पछि साँस्कृतिक कार्यक्रम तथा सभा सम्पन्न भएको छ ।

आदिवासी जनजाती महासंघ दमक नगर समितिका अध्यक्ष गुमानसिंह तामाङको अध्यक्षतामा भएको कार्यक्रममा झयाँकी, नृत्य सहित नेतृत्वहरुबाट आदिवासीको अधिकार सुनिश्चित गर्न दवावमुलक कार्यक्रम प्रस्तुत भएका छन् । कार्यक्रमका प्रमुख अतिथि दमक नगर पालिकाका प्रमुख रोमनाथ ओली, वडा अध्यक्ष इन्द्र कुमार गुरुङ्ग, लगायतले आदिवासी जनजातिको अधिकारका लागि राज्यले विशेष प्राथमिकता दिएको बताउनुभयो ।

यता आदिवासी जनजाति महासंघ कमल गाऊँपालिकाले आदिवासी रंगशालामा विशेष कार्यक्रम सम्पन्न गरेको छ । कार्यक्रमका प्रमुख अतिथि आदिवासी जनजाति महासंघ झापा जिल्लाका उपाध्यक्ष पर्शुराम ताजपुरियाले आदिवासीको अधिकार प्राप्तीमा राज्य अझै उदासिन भएको बताउनु भएको छ । गाऊँ पालिकाका अध्यक्ष सुर्य योकदाङ्देम लिम्बुको सभापतित्वमा भएको कार्यक्रममा रंगशालाका अध्यक्ष हुकुमसिंह राई, कलम गाऊँ पालिका वडा नम्बर १ का अध्यक्ष केदार कटुवाल, प्रताव सुव्बा लगायत बोल्नु भएको छ ।

आदिवासी दिवशको अवसरमा झापामा रहेका २ दर्जन भन्दा धेरै जातजातिले आफ्नो पहिरन, नृत्य र संस्कार झल्कने विविध कार्यक्रमहरु प्रस्तुत गरेका छन् । उता नेपाल आदीवासी जनजाती महासंघ नगर समन्वय समिति गौरादहले पनि २४ औं अन्तराष्ट्रिय आदिवासी जनजाती दिवस विविध कार्यक्रम गरि भव्यताका साथ सम्पन्न गरेको छ । गौरादह नगरपालिका वडा नं. ७ को ग्वालडुब्बा बजारमा आयोजना गरिएको आदीवासी दिवस मा विभिन्न जातजातिहरुले आफ्नो जातिय पोशाक मा सजिएर सांस्कृतिक पहिचान झल्कने नृत्य तथा झाँकी प्रदर्शन गरेका थिए ।

x

Check Also

ताप्लेजुङमा ४.६ रेक्टरस्केलको भुकम्प

सप्तरङ्गी एफएम दमक /३ फागुन २०७५ ताप्लेजुङ / ताप्लेजुङको कन्चनजङ्घा आसपास केन्द्रबिन्दु भएर हिजो ४.६ ...

भारतको जम्बु काश्मिरमा भीषण आतंकबादी हमला

सप्तरङ्गी एफएम / २ फागुन २०७५ ्भरतको जम्मू–कश्मीर राज्यको पुलावामा जिल्ला भएको ठूलो आतंकवादी आक्रमणमा ...

दमक ८ मा रहेको पूर्वाञ्चल मन्टेश्वरी स्कुलको आठौँ बार्षिकोत्सव सम्पन्न

सप्तरङ्गी एफ.एम. दमक फागुन दमक ८ मा रहेको पूर्वाञ्चल मन्टेश्वरी स्कुलले बिहिबार आफ्नो आठौ बार्षिकोत्सव ...

दमक १० सेतुमारीस्थित दुर्गा पाञ्चायन मन्दिरको सामुदायिक भवन शिलान्यास

सप्तरङ्गी एफ.एम. दमक/ २ फागुन २०७५ दमक १० सेतुमारीस्थित दुर्गा पाञ्चायन मन्दिरमा सामुदायिक भवन शिलान्यास ...

भेरी नदीमा यात्रुबाहक बस खस्दा चार जनाको मृत्यु

   सप्तरंगी एफएम /२ फागुन २०७५ जाजरकोट – बाँकेको नेपालगञ्जबाट रुकुम पश्चिम राडीबजारतर्फ जाँदै गरेको ...