Home / अपराध / मोरंग विराटनगर महानगरपालिकाका प्रमुख भीम पराजुलीको कार्यकक्ष अगाडि बम विस्फोट

मोरंग विराटनगर महानगरपालिकाका प्रमुख भीम पराजुलीको कार्यकक्ष अगाडि बम विस्फोट

सप्तरङ्गगी एफ.एम. दमक/साउन २७/
मोरंग विराटनगर महानगरपालिकाका प्रमुख भीम पराजुलीको कार्यकक्ष अगाडि बम विस्फोट भएको छ । महानगरपालिका भवनको दोस्रो तलामा महानगर प्रमुखको कार्यकक्ष रहेको छ । प्रमुखलाई भेट्न आउनेहरूका लागि प्रतिक्षा गर्न व्यवस्था गरिएको कोठामा बम विस्फोट भएको हो । विस्फोटबाट भवनका शिशाहरू फुटेका छन् भने महानगर प्रमुख चढ्ने गाडीमा पनि क्षति पुगेको छ । प्रहरीले यसबारे अनुसन्धान शुरू गरेको छ । विस्फोट कसले गराएको हो भन्ने खुलेको छैन । महानगर प्रमुख पराजुलीले कसले विस्फोट गराएको हो भन्ने खुल्न नसकेको बताउनु भयो । उहाँले अहिलेसम्म कुनै समूहबाट धम्की पनि नआएको बताउनु भयो ।
विराटनगर महानगरपालिकामा भएको बम बिस्फोटको बारेमा प्रहरीले बुझ्न महानगरपालिकामा राखिएको सिसीक्यामेराको डिभाईस नियन्त्रणमा लिएको छ । घटना स्थलमा नेपाल प्रहरी सशस्त्र प्रहरी सहितको टोलीले अनुसन्धान गरिरहेको छ । एक्कासी बम बिस्फोटको खबर आएपछि सुरक्षाकर्मी ब्यापक परिचालन गरिएको जिल्ला प्रहरी कार्यालय मोरङका प्रहरी उपरिक्षक मनोज केसीले बताउनुभयो ।
यसै विच विस्फोटपछि महानगरको आकस्मिक बोर्ड बैठक बसीरहेको छ । महानगर प्रमुखको कार्यकक्षमा प्रहरीले प्रवेश गर्न दिएको छैन । प्रमुख कार्यकारी अधिकृतको कक्षमा बोर्ड बैठक बसेको छ ।

x

Check Also

प्याव्सन झापाद्वारा झापाका १५ वटै स्थानिय तहहरुमा बिभिन्न कार्यक्रम सम्पन्न

सप्तरङ्गी एफ.एम. दमक/असोज ५/ विश्व शान्ति दिवसको अवसर पारेर आज प्याव्सन झापाले जिल्लाभरका १५ वटै ...

नेपाल कम्युनिष्ट पार्टी (नेकपा)को प्रदेश नम्बर १ को ईन्चार्जमा नेता भिम आचार्य चयन

सप्तरङ्गी एफ.एम. दमक/असोज ५/ नेपाल कम्युनिष्ट पार्टी (नेकपा)को प्रदेश नम्बर १ को ईन्चार्जमा नेता भिम ...

दमकको दक्षिणी क्षेत्रमा पशुमा खोरेतको संक्रमण देखीयो , १ सय भन्दा धेरै पशु संक्रमित

सप्तरङ्गी एफ.एम. दमक/असोज ४/ दमकको दक्षिणी क्षेत्रमा पशुमा खोरेत रोगको संक्रमण देखिएको छ । दमक–१० ...

संविधान दिवसको अवसर पारेर दमकमा नगरस्तरिय अन्तर विद्यालय मिनी म्याराथुन

सप्तरङ्गी एफ.एम. दमक / असोज ३ संविधान दिवसको अवसरमा आज विहान दमकमा नगरस्तरिय अन्तर विद्यालय ...

दमक सहकारी, हाम्रो साकोस कमल र जनसेवा गौरिगंजद्वारा आ-आफ्नो साधारणसभा सम्पन्न

सप्तरङ्गी एफ.एम. दमक /असोज ३ , २०७५ दमकको दमक सहकारी संस्थाले आज आफ्नो १३औं बर्षिक ...