Home / अपराध / दमकका व्यवसायी खेमराज पौडेलको हत्याको बिरोधमा गौरिगञ्ज बजार बन्द , दमकमा मौन ¥याली

दमकका व्यवसायी खेमराज पौडेलको हत्याको बिरोधमा गौरिगञ्ज बजार बन्द , दमकमा मौन ¥याली

सप्तरङ्गी एफ.एम. दमक/भदौ २८/
दुई दिन अघि झापाको गौरीगञ्जमा हत्या गरिएका दमकका व्यवसायी खेमराज पौडेलको शोकमा आज गौरीगञ्ज वजार वन्द भएको छ ।
झापा उद्योग वाणिज्य संघको आव्हानमा आज एक दिन त्यस क्षेत्रको वजार वन्द गरिएको संघका अध्यक्ष मखना महतोले बताउनुभयो । शोकका कारण गौरीगञ्ज र खजुरगाछीका वजार, पसलहरु वन्द भएका छन् ।
यसैगरि संघले व्यवसायी हत्याको घटनाले असुरक्षा बढेको भन्दै सुरक्षाको माग गरेको छ । संघका पूर्वअध्यक्ष समेत रहनुभएका गौरीगञ्ज गाँउपालिकाका अध्यक्ष बाबुराजा श्रेष्ठ र वर्तमान अध्यक्ष महतोले व्यवसायी पौडेलको हत्याको घटनाले सुरक्षा चिन्ता बढाएको भन्दै हत्यामा संलग्नलाई हदैसम्म कारवाही गर्न माग गर्नुभयो ।
यता दमकमा पनि व्यवसायी पौडेलको हत्यामा संलग्नलाई कडाभन्दा कडा कारवाही गर्न माग गर्दै दमक उद्योग वाणिज्य संघले विरोध स्वरुप आजनै मौन¥याली निकालेको छ ।
संघका प्रथम उपाध्यक्ष गोपाल गुरागाईंले व्यवसायी पौडेलको हत्याको घटनाले असुरक्षा बढेको भन्दै त्यसप्रति प्रशासन गंभीर वन्न माग गर्दे प्रहरी कार्यालयमा ध्यानकर्षण समेत गरिएको बताउनुभयो ।
कमल गाउँपालिका वार्ड नं ६ मंगलबारेका ३८ बर्षिय कपडा व्यापारी पौडेलको श्रीमती दिपासंगै गौरीगञ्ज बजार ताकेता गएका वेला अपहरणपछि गत भदौ २६ गते हत्या गरिएको थियो । हत्यामा संलग्न भएको आशंकामा प्रहरीले स्थानीय सद्धाम हुसैनलाई पक्राउ गरि अनुसन्धान शुरु गरेको इलाका प्रहरी कार्यालय गौरीगञ्जका प्रहरी निरीक्षक टेकेन्द्र पौडेलले बताउनुभयो ।

x

Check Also

ट्याक्टर संघको ट्राफिक सचेतना कार्यक्रम सम्पन्न

सप्तरङ्गी एफ.एम. दमक/मंशिर १/ झापा कन्काईमाई ट्याक्टर संघ दमकले आज आफ्ना सादस्यहरुलाई ट्राफिक सचेतना सम्बन्धि ...

तक्मे बुढाद्वारा भुटानी शरणार्थि शिबिरमा सहयोग

सप्तरङ्गी एफ.एम. दमक/मंशिर १/ हाँस्य कलाकार विल्सन विक्रम राई तक्मे बूढाले भूटानी शरणार्थी विधार्थीको अध्ययन ...

महिला विभेदसम्बन्धी अभियान शसक्त बनाउनु पर्नेमा प्रदेश २ का मुख्यमन्त्री लालबाबु राउतको जोड

सप्तरङ्गी एफ.एम. दमक/मंशिर १/ प्रदेश नम्बर २ का मुख्य मन्त्री लालबाबु राउतले महिला विभेदसम्बन्धी अभियान ...

जुरोपानी बहुद्देस्सीय सहकारीको आयोजनामा रक्तदान कार्यक्रम सम्पन्न

सप्तरङ्गी एफ.एम. दमक/मंशिर १/ झापाको गौरादह नगरपालिका ८ स्थित जुरोपानीमा रक्तदान कार्यक्रम सम्पन्न भएको छ ...

दमकमा कर दिवस मनाईयो

सप्तरङ्गी एफ.एम. दमक/मंशिर १/ आन्तरिक राजस्व कार्यालय दमकको आयोजनामा आज ७ औं कर दिवस मनाईएको ...