Home / ताजा समाचार / भूटानी शरणार्थीहरुको जिवन सुधारका लागि जिविकोपार्जन सम्बन्धी कार्यक्रमलाई प्राथमिकता दिइने

भूटानी शरणार्थीहरुको जिवन सुधारका लागि जिविकोपार्जन सम्बन्धी कार्यक्रमलाई प्राथमिकता दिइने

सप्तरंगी एफएम /२९ भदौ २०७५

नेपालमा बाँकी रहेका भूटानी शरणार्थीहरुको जिवन सुधारका लागि  जिविकोपार्जन सम्बन्धी कार्याक्रमलाई प्राथमिकता दिइने बताइएको छ ।

लामो समय देखि भूटानी शरणार्थी रेखदेखमा कार्य गर्दै आएको लुथरन विश्व फेडरेशनका  महासचीव डा. मार्टिन जंगले आज सो कुरा बताउनु भएको हो ।

भूटानी शरणार्थी शिविर बेलडाँगीको अवलोकन गर्दै आज महासचिव डा. जंगले शरणार्थीहरुले चाहाना गरे आफूहरुले अझै पनि धेरै कुरा दिन तयार रहेको बताउनु भयो ।

शिविरमा महिला मञ्च, बाल मञ्च, अपाङग संघ, शिविर व्यवस्थापन समितिको कार्यालय तथा भर्खरै बनेका नयाँ घरहरुको अवलोकन गर्दै डा. जंगले शिविरमा नेतृत्व गर्ने अगुवाहरुलाई धन्यवाद समेत प्रदान गर्नु भएको छ ।

डा. जंग सहित उच्च पदाधिकारीको टोलीले शरणार्थी शिविरमा बसोबास गर्दै आएका शरणार्थीहरुको गुनासो र समेत सुनेका छन् । शरणार्थीहरुले बन्दै गरेको नयाँ घरमा धेरैलाई उचित व्यवस्थापन हुन नसकेको गुनासो समेत राखेका छन् । कतिपय शरणार्थीहरुले घर निर्माणमा विभेद समेत गरिएको गुनासो राखेका छन् ।

यस्तै भूटानीहरुको समस्या दिर्घकालिनमा रुपमा समाधान गर्न माग राख्दै राष्ट्रिय पूनर्मिलन समिति भूटानले ज्ञापन पत्र समेत बुझाएको छ । पत्रमा ससम्मान आफ्नो घर फिर्तीलाई जोड दिन माग गरिएको उल्लेख गरिएको छ ।

पत्र बुझाउँदै समितिका अध्यक्ष कृष्णविर तामाङले लामो समय देखि शरणार्थी जस्तो कहाली लाग्दो जिवन विताएकोले अव यसलाई तत्काल समाधान गर्न माग समेत गर्नु भएको छ ।

भेटमा शिविर सचीवहरु चम्पासिंह राई, टिकाराम रसाइलीले शरणार्थीले पछिल्लो समय पाउने सुविधा कटौती घर निर्माणका भएका समस्याबारे ध्यान दिन आग्रह समेत गरेका छन् ।

x

Check Also

प्याव्सन झापाद्वारा झापाका १५ वटै स्थानिय तहहरुमा बिभिन्न कार्यक्रम सम्पन्न

सप्तरङ्गी एफ.एम. दमक/असोज ५/ विश्व शान्ति दिवसको अवसर पारेर आज प्याव्सन झापाले जिल्लाभरका १५ वटै ...

नेपाल कम्युनिष्ट पार्टी (नेकपा)को प्रदेश नम्बर १ को ईन्चार्जमा नेता भिम आचार्य चयन

सप्तरङ्गी एफ.एम. दमक/असोज ५/ नेपाल कम्युनिष्ट पार्टी (नेकपा)को प्रदेश नम्बर १ को ईन्चार्जमा नेता भिम ...

दमकको दक्षिणी क्षेत्रमा पशुमा खोरेतको संक्रमण देखीयो , १ सय भन्दा धेरै पशु संक्रमित

सप्तरङ्गी एफ.एम. दमक/असोज ४/ दमकको दक्षिणी क्षेत्रमा पशुमा खोरेत रोगको संक्रमण देखिएको छ । दमक–१० ...

संविधान दिवसको अवसर पारेर दमकमा नगरस्तरिय अन्तर विद्यालय मिनी म्याराथुन

सप्तरङ्गी एफ.एम. दमक / असोज ३ संविधान दिवसको अवसरमा आज विहान दमकमा नगरस्तरिय अन्तर विद्यालय ...

दमक सहकारी, हाम्रो साकोस कमल र जनसेवा गौरिगंजद्वारा आ-आफ्नो साधारणसभा सम्पन्न

सप्तरङ्गी एफ.एम. दमक /असोज ३ , २०७५ दमकको दमक सहकारी संस्थाले आज आफ्नो १३औं बर्षिक ...