Home / ट्रेन्डिङ्ग / पर्यटकिय क्षेत्र सातासिधाममा बिद्युत बिस्तार

पर्यटकिय क्षेत्र सातासिधाममा बिद्युत बिस्तार

सप्तरङ्गी एफ.एम. दमक/असोज ७/
पूर्वको पर्यटकीयस्थलका रुपमा परिचित झापाको सतासीधाम धार्मिक स्थलमा आज औपचारिक कार्यक्रमबीच केन्द्रिय प्रसारण विधुत लाईनको उद्घाटन गरिएको छ ।
शिवसताक्षी नगर पालिका वडा नं. ११ मा पर्ने सतासीधाम मन्दिर परिसरमा झापा क्षेत्र नम्बर ४ का प्रतिनिधिसभाका सदस्य एलपी साँवा, प्रदेशसभा सदस्यहरु झलकसिंह दर्लामी, हिरा थापा, झापाका सहायक प्रमुख जिल्ला अधिकारी कृष्णचन्द्र पौडेल र शिवसताक्षी नगरपालिकाका प्रमुख चन्द्रकुमार शेर्माले सँयुक्तरुपमा स्वीच अन गरेर विधुत लाईट उद्घाटन गर्नु भयो ।
कार्यक्रमका प्रमुख अतिथि प्रतिनिधिसभा सदस्य साँवाले शिवसातासीधाम देखि गाऊँ जोड्ने सडक, सतासी र दुधे खोलाको संगममा जल कुण्ड, सतासीधाम देखि दोमुखासम्म बाटो र सो क्षेत्र भित्र फाल्गुनन्द पार्क, मुक्तिनाथ धाम लगायतका पर्यटकीय आकार्षणका स्थल निर्माणमा योजना अघि सार्न स्थानीय तहलाई आग्रह गर्नु भएको छ । सांसद साँवाले स्थानीय तहबाट पर्यटकीय क्षेत्रको लागि योजना ल्याए साधान स्रोत जुटाउँन आफू तयार रहेको बताउनु भयो ।
नेपाल सरकारको ग्रामीण विद्युतीकरण कार्यक्रम अन्तगर्त सो क्षेत्रमा विजुली सञ्चालनमा ल्याईएको हो । उर्जा मन्त्रालयबाट प्राप्त २७ लाख रुपैयाँको लागतमा हालै सतासीधाममा विजुली जडान गरि सञ्चालनमा ल्याईएको नेपाल विद्युत प्राधिकरण दमक वितरण केन्द्रले जानकारी दिएको छ ।
पूर्व पश्चिम राजमार्ग अन्तर्गत रहेको झिलझिले चौंकदेखि साढे ५ किलोमिटर उत्तर चुरे क्षेत्रमा पर्ने सतासीधाममा विजुली पुगेपछि स्थानीय बासिन्दा र तिर्थालु समेत हर्षित भएका छन् । विद्युत विस्तारले झापाको परिचित पर्यटकीय स्थल शिवसतासीधामको थप विकास हुने स्थानीय बासिन्दाहरुले बताएका छन् ।

x

Check Also

ताप्लेजुङमा ४.६ रेक्टरस्केलको भुकम्प

सप्तरङ्गी एफएम दमक /३ फागुन २०७५ ताप्लेजुङ / ताप्लेजुङको कन्चनजङ्घा आसपास केन्द्रबिन्दु भएर हिजो ४.६ ...

भारतको जम्बु काश्मिरमा भीषण आतंकबादी हमला

सप्तरङ्गी एफएम / २ फागुन २०७५ ्भरतको जम्मू–कश्मीर राज्यको पुलावामा जिल्ला भएको ठूलो आतंकवादी आक्रमणमा ...

दमक ८ मा रहेको पूर्वाञ्चल मन्टेश्वरी स्कुलको आठौँ बार्षिकोत्सव सम्पन्न

सप्तरङ्गी एफ.एम. दमक फागुन दमक ८ मा रहेको पूर्वाञ्चल मन्टेश्वरी स्कुलले बिहिबार आफ्नो आठौ बार्षिकोत्सव ...

दमक १० सेतुमारीस्थित दुर्गा पाञ्चायन मन्दिरको सामुदायिक भवन शिलान्यास

सप्तरङ्गी एफ.एम. दमक/ २ फागुन २०७५ दमक १० सेतुमारीस्थित दुर्गा पाञ्चायन मन्दिरमा सामुदायिक भवन शिलान्यास ...

भेरी नदीमा यात्रुबाहक बस खस्दा चार जनाको मृत्यु

   सप्तरंगी एफएम /२ फागुन २०७५ जाजरकोट – बाँकेको नेपालगञ्जबाट रुकुम पश्चिम राडीबजारतर्फ जाँदै गरेको ...