Home / ताजा समाचार / चाडपर्व नजिकिएसंगै झापामा गरगहनाको माग बढ्यो , सुनको अभावले व्यवसायी भने संकटमा

चाडपर्व नजिकिएसंगै झापामा गरगहनाको माग बढ्यो , सुनको अभावले व्यवसायी भने संकटमा

सप्तरंगी एफएम /  ८ असोज २०७५

नेपालमा विदेशी विनिमयको अवस्था कमजोर भएको कारण देखाउँदै राज्यले सुनमा लगानी बढाउँन नसके पछि सुन व्यवसायीहरु समस्यामा परेका छन् । व्यवसायीहरुले माग गरे जति सुन हालसम्म उपलव्ध हुन हुन नसके पछि व्यवसायीहरु समस्यामा पर्दै गएको उनीहरुको भनाई छ ।

सुन व्यवसायीले सुनको कारोवार वापत बार्षिक १३ अर्व हाराहारीमा त कर मात्र बुझाउँदै आएका छन् । राज्यको कर बृद्धि हुने कार्यमा परिमाण बढाउँन माग गरेको धेरै भईसक्दा समेत सुनको अभाव हट्न सकेको छैन ।अहिले नेपालमा दैनिक ४० किलो सुन आवश्यक पर्छ तर सरकारले भने २५ किलो मात्रै उपलब्ध गराउदै आएको छ l

देशको कला संस्कृति जोगाउन ,व्यवसायीलाई काम गर्ने बाताबरण बनाउन साथै युवाको विदेश पलायन रोक्न समेत राज्यले पर्याप्त सुन उपलब्ध गराउनु सरकारको दायित्व रहेको नेपाल सुनचाँदी व्यवसायी महासंघ केन्द्रिय अध्यक्ष मोहन कुमार विक बताउनुहुन्छ l

नेपालमा रहेका २५ हजार हाराहारीका सुन व्यवसायीहरुले भने जसरी सुनका गरगहनाहरु बेच्न पाएका छैनन् । झापामा मात्र ९ सय हाराहारीमा सुन व्यवसायीहरु रहेका छन् । झापामा मात्रै मासिक ६० देखि ९० केजिसम्म सुनको माग हुने गरेको छ । तर राज्यबाट मासिक ९ केजि भन्दा बढि सुन प्राप्त हुन सकेको छैन ।

झापाको प्रमुख ब्यापारिक केन्द्रहरु बिर्तामोड र दमकमा मात्रै प्रति महिना १६ किलो सुन आवस्यक पर्ने तर सरकारले झापामा ६ किलो मात्रै उपलब्ध गरेकोले व्यवसाय गर्न अत्यन्तै कठिन भएको नेपाल सुनचाँदी महासंघ दमक नगरका अध्यक्ष शेरबहादुर गजमेर बताउनुहुन्छ ।

राज्यले बजारमा माग भए अनुसार सुन उपलब्ध गराउँन नसक्ने हो भने व्यवसायी नै विस्थापित हुने अवस्था आउने दमकका व्यवसायी सुनिल दियालीको भनाई छ l

नेपालमा पछिल्लो पटक सुनको अभाव खडकिदै गएको छ । आवश्यक कच्चा पदार्थको उपलव्ध गराउँन नसक्दा सुन व्यवसायीहरु संकट र समस्यामा  पर्दै आएका छन् । बार्षिक १३ अर्व हाराहारीमा बार्षिक कर तिर्दै आएका सुनव्यवसायीलाई आवश्यक सुन उपलव्ध गराए राज्य र व्यवसायी दुवैलाई फाइदा हुने हुँदा पर्याप्त सुन उपलब्ध गराउन  व्यवसायीहरुको माग छ ।

x

Check Also

अन्तर्राष्ट्रिय मानवअधिकार दिवसकै दिन भूटानी शरणार्थीहरु स्वदेश फिर्ती र राहतको माग गर्दै नाराबाजी सहित अनसनमा

सप्तरङ्गी एफ.एम. दमक/मंशिर २४/ विश्व मानव अधिकारको दिवशको अवसरमा भूटानी शरणार्थीले स्वदेश फिर्ती र राहतको ...

श्रमजिवि पत्रकारको न्युनतम पारिश्रमिकको बिषयमा झापामा छलफल

सप्तरङ्गी एफ.एम. दमक/मंशिर २४/ श्रमजिवि पत्रकारहरुको न्युनतम पारिश्रमिक निर्धारण समितिको आयोजनामा आज झापाको बिर्तामोडमा अन्तत्र्रिmया ...

झापामा अन्तर्राष्ट्रिय मानव अधिकार दिवस मनाईयो

सप्तरङ्गी एफ.एम. दमक/मंशिर २४/ ७० औं विश्व मानवअधिकार दिवसको अवसरमा आज झापाको बिर्तामोडमा जिल्ला स्तरिय ...

झापको पाडाजुंगीमा स्कुलबसले ठक्कर दिँदा पैदलयात्री महिलाको मृत्यु

सप्तरङ्गी एफ.एम. दमक/मंशिर २४/ पूर्वपश्चिम राजमार्ग अन्तगर्त झापाको कमल गाँउपालिका–५ स्थित पाडाजुंगी सडक खण्डमा आज ...

स्वास्थ्य सेवामा फड्को मार्दै चुलाचुली

सप्तरंगी एफएम / २३ मंसिर २०७५  / रोमन लामिछाने चुलाचुलीस्थित स्वास्थ्य चौकीको २४ घण्टे प्रसूति ...