Home / ताजा समाचार / आफ्नो नामको जग्गा अर्कैले विक्री गरेको भन्दै दमककी एक बृद्दाद्वारा न्यायको माग

आफ्नो नामको जग्गा अर्कैले विक्री गरेको भन्दै दमककी एक बृद्दाद्वारा न्यायको माग

सप्तरङ्गी एफ.एम. दमक/१७ अशोज २०७५/डिकेश लामा

आफ्नो नामको जग्गा अर्कोले विक्री गरेको भन्दै  झापाको दमककी एक बृद्दाले आज न्यायको माग गर्नु भएको छ ।

आफ्नै नामको जग्गा आफैले वेचेको कागज देख्दा मैंले कसरी जग्गा वेचे भन्ने कुरामा दमक वडा नं. ४ की ६९ बर्षीय टेकमाया मावोहाङ छक्क पर्नु भएको छ ।

आफू भारतको आसाममा छोराको घरमा गएको समयमा अर्कै मान्छेले आफ्नै नामबाट किर्ते कागज बनाएर विक्री गरेको पीडित महिला मावोहाङले बताउनु भयो । आज दमक पत्रकार मञ्चको कार्यालयमा पत्रकार सम्मेलन गर्दै पीडितको दमक वडा नं. ४ मा रहेको किता नं. ४८७३ र ४८७५ नम्बरको जम्मा दुई विगाह ५ धुर जग्गा नक्कली धनीपुर्जा र नक्कली जग्गा धनी भई वेजिल्लाबाट विक्री गरेको बताउनु भयो ।

जग्गा धनी विना नै जग्गाको प्रतिलिपि धनिपूर्जा निकालेर जग्गा पास गर्दा काठमाण्डौं डिल्लिबजारको मालपोत र दमकको मालपोत कार्यालयको समेत मिलेमतो रहेको  मावोहाङले दावी गर्नु भएको छ । जग्गा किनवेचमा जग्गा धनीको सक्कली नागरिकता समेत नहेरी फोटोकपीको भरमा किर्ते कागजको आधारमा जग्गा विक्री भएको वहाले दावी गर्नु भएको छ ।

आफूसँग भएको सक्कली धनी पुर्जा र गएको ७४ सालसम्म मालपोत तिरेको रसिद देखाउँदै पीडितका आफन्त जय प्रसाद लिम्बुले जग्गा धनीले आफूसँग धनीपुर्जा छ भनेर ढुक्कले बस्न नसकिने दिन आएको बताउनु भयो । ६९ बर्षीय  मावोहाङ्गले जग्गाको आवश्यक छानविन र कार्वाहीका लागि अख्तियार दुरुपयोग अनुसन्धान आयोग समक्ष न्यायको लागि माग समेत गरेको बताउनु भएको छ ।

उनको जग्गा मोरङ्ग जिल्लाको कानेपोखरी गाऊँपालिका वडा नं. ७ बस्ने फौदराज लिम्बुले १ करोड २० लाख रुपयाँमा खरिद गरेको मालपोतको ढड्ढामा रहेको कागजमा उल्लेख भएको पीडित पक्षले जानकारी दिएका छन् ।

x

Check Also

ग्वाल्डुब्बा बजार नयाँ ठाउँमा स्थानान्तरण: डीपीआर बनाए सहयोग गर्ने मन्त्रि कार्कीको आस्वासन

सप्तरंगी एफएम /  युबराज रेग्मी , ग्वाल्डुब्बा / ४ कार्तिक २०७५ गौरादह नगरपालिकाको प्राचीन बजार ...

 अमेरिकामा कलाकारको दशैं :सङ्गीतकार टीका भण्डारीबाट टीका ग्रहण

सप्तरंगी एफएम / ४ कात्तिक २०७५ हिजो साँझ न्युयोर्क शहरको ज्याक्सन हाइट क्विस्न्समा ‘दसैं टीका ...

दशैंमा चहल पहल बढेको गाउँ टिका लगाए संगै पातलिन थाल्यो

सप्तरङ्गी एफ.एम. दमक/कात्तिक ४/ दशैंका कारण ग्रामिण क्षेत्रमा बढेको चहल पहल पातलिन थालेको छ । ...

सुपरहिट चलचित्र छक्कापञ्जा तिन की निर्देश दिपाश्री निरौला दमकका दर्शक संग

सप्तरङ्गी एफ.एम. दमक/कात्तिक ४/ घटस्थापनाको दिन देखी देशै भरका हलहरुमा प्रदर्शनमा आएको नेपाली कथानक चलचित्र ...

प्रतियोगितात्मक सन्थाल नृत्यमा शिवसताक्षी सन्थाल समुह प्रथम

सप्तरङ्गी एफ.एम. दमक/कात्तिक ४/ झापाको कमल गाउँपालीका ५ स्थित लखनपुरमा बडादशैंको अवसरमा हरेक बर्ष एकादशीका ...