Home / ट्रेन्डिङ्ग / वर्तमान राज्य सत्ताले मधेसलाई हेर्ने दृष्टिकोणमा परिवर्तन गर्नु पर्ने खगेन्द्र संग्रौला र चन्द्र किशोरको भनाई

वर्तमान राज्य सत्ताले मधेसलाई हेर्ने दृष्टिकोणमा परिवर्तन गर्नु पर्ने खगेन्द्र संग्रौला र चन्द्र किशोरको भनाई

सप्तरङ्गी एफ.एम. दमक/असोज २०/
मधेस मामिलाका जानकार लेखक तथा पत्रकार चन्द्रकिशोर झा र लेखक खगेन्द्र संग्रौलाले आज दमकमा अहिलको मधेस र मधेसको मनोविज्ञानका बिषयमा चर्चा गर्नु भएको छ । युथ नेटवर्कको आयोजनामा भएको कार्यक्रममा दुवै जनाले वर्तमान राज्य सत्ताले मधेसलाई हेर्ने दृष्टिकोणमा परिवर्तन गर्नु पर्ने बताउनु भयो ।
कार्यक्रममा बोल्दै मधेस मामलाका जानकार झाले अहिले मधेसमा राज्यसत्ताको उपेक्षाका कारण चार प्रकारका मनोविज्ञान विकास भईरहेको धारणा राख्नु भयो । जे भए पनि नबोल्ने सहने र आफ्नो जिन्दगी बिताउन चाहने समर्पणवादी, मुद्दा एक भए पनि आफ्नो लाभका लागि सम्बन्ध विस्तार गर्ने सम्बन्धबादी, अधिकार र अवसर सत्ताले दिए देशका लागि योगदान गर्न चाहने सौदावादी र राज्यको बिभेदको बदला लिन तयार स्वायत्तवादी मनोविज्ञनको मधेसमा विकास हुँदै गएको उहाँको विश्लेषण थियो । संविधानसभाबाट जारी संविधानमा केही संशोधन भए मधेस पनि नेपाली राजनीति र विकासको मूल प्रवाहमा आउने भन्दै यसका लागि सरकार पनि तयार हुनुपर्ने उहाँले बताउनु भयो ।
कार्यक्रमका अर्का वक्ता खगेन्द्र संग्रौलाले मधेसको मुद्दाको जगमा उभिएका नेताले पनि मुद्दा छोड्दै गएको आरोप लागाउनु भयो । अनेक आलोचनाका बीच जनयुद्धका क्रममा मधेसको उत्पीडनबिरुद्ध आवाज उठाएका पुष्पकमल दाहाल र संघीय समाजवादी फोरमका अध्यक्ष उपेन्द्र यादवले पनि मधेसको मुद्दा त्यागेको उहाँले तर्क गर्नु भयो । विगतमा मधेस आन्दोलनको नेतृत्व गर्नेहरू सत्ता र शक्तिको लोभमा अल्मलिएको भन्दै त्यही आधारमा सरकारले मधेसका मुद्दा सकिएको भनेर दावी गरेको उहाँको भनाई छ । अहिलेको सरकार दुई तिहाई मतको जगमा स्थापित भए पनि शक्ति उन्मादका कारण मधेसको उत्पीडनकोमुद्दा समाधान गर्न नखोजिएको संग्रौलाले बताउनु यभो । संविधान प्रति असहमति जनाउने तर उपप्रधानमन्त्री पाए पछि सरकारमा जाने भन्दै उपेन्द्र यादवको आलोचना गर्नु भएको उहाँले पुष्पकमल दाहाल पनि एमालेमा समाहित भएर मुद्दालाई बिसर्जन गरेको जिकिर गर्नुभयो ।

x

Check Also

ताप्लेजुङमा ४.६ रेक्टरस्केलको भुकम्प

सप्तरङ्गी एफएम दमक /३ फागुन २०७५ ताप्लेजुङ / ताप्लेजुङको कन्चनजङ्घा आसपास केन्द्रबिन्दु भएर हिजो ४.६ ...

भारतको जम्बु काश्मिरमा भीषण आतंकबादी हमला

सप्तरङ्गी एफएम / २ फागुन २०७५ ्भरतको जम्मू–कश्मीर राज्यको पुलावामा जिल्ला भएको ठूलो आतंकवादी आक्रमणमा ...

दमक ८ मा रहेको पूर्वाञ्चल मन्टेश्वरी स्कुलको आठौँ बार्षिकोत्सव सम्पन्न

सप्तरङ्गी एफ.एम. दमक फागुन दमक ८ मा रहेको पूर्वाञ्चल मन्टेश्वरी स्कुलले बिहिबार आफ्नो आठौ बार्षिकोत्सव ...

दमक १० सेतुमारीस्थित दुर्गा पाञ्चायन मन्दिरको सामुदायिक भवन शिलान्यास

सप्तरङ्गी एफ.एम. दमक/ २ फागुन २०७५ दमक १० सेतुमारीस्थित दुर्गा पाञ्चायन मन्दिरमा सामुदायिक भवन शिलान्यास ...

भेरी नदीमा यात्रुबाहक बस खस्दा चार जनाको मृत्यु

   सप्तरंगी एफएम /२ फागुन २०७५ जाजरकोट – बाँकेको नेपालगञ्जबाट रुकुम पश्चिम राडीबजारतर्फ जाँदै गरेको ...