Home / ट्रेन्डिङ्ग / झापाको शिवसताक्षिमा करको कहर , कांग्रेसले बुझायो कर फिर्ताको माग पत्र

झापाको शिवसताक्षिमा करको कहर , कांग्रेसले बुझायो कर फिर्ताको माग पत्र

सप्तरङ्गी एफ.एम. दमक/असोज २१/
बृद्धि गरिएको कर फिर्ता लगायतका विभिन्न माग राखेर नेपाली कांग्रेस झापा शिवसताक्षीले नगरपालिकालाई आज ज्ञापनपत्र बुझाएको छ । नगरपालिकाले जनतालाई राहत दिनुको सट्टा दैनिक जनजीविकामाथि नै आघात पुग्ने गरि कर बृद्धि गरेको भन्दै कांग्रेस नेतृत्वले नगरपालिकाको ध्यानाकर्षण गराएको हो । कांग्रेसले विभिन्न १७ वुदाँ उल्लेख गरि त्यस्तो माग गरिएको नगर सभापति पर्शुराम ढुंगानाले बताउनुभयो । नाराजुलुससहित पुगेको सो टोलीले नगर प्रमुख चन्द्रकुमार शेर्मालाई सामूहिक रुपमा ज्ञापनपत्र बुझाएका थिए ।
कांग्रेसले दोहोरो कर, एकीकृत सम्पत्ति कर पूर्नमूल्याङकन गर्न, उपभोक्ता समिति गठनमा पार्टीगत भर्तिकेन्द्र बनाएको, विषयगत समिति गठनमा एकलौटी गरिएको भन्दैं त्यसलाई सच्चाउन माग गरेको छ । त्यसैगरि शिक्षा ऐनमा अदालतले फैसला गरे अनुसार सञ्चालन नभएको तथा नगर प्रमुखले बोर्डको निर्णय भन्दै आफूखुसी निर्णय गरि राजनीति गरेकाले त्यसको खारेजी गर्न माग गरिएको कांग्रेस नगर सहसंयोजक विनोद ढकालले बताउनुभयो ।
त्यसैगरि, नगरपालिकाले आफूखुसी पार्टी कार्यकर्ता नियुक्ति गरेको, विस्तृत परियोजना प्रतिवेदन ( डिपीआर) का नाममा संस्थागत अनियमितता गरेको, नगर भित्रका ऐतिहासिक योजनाहरुको वजेटमा समान व्यवहार नगरेको भन्दै नगर प्रमुख चन्द्रकुमार शेर्मालाई ज्ञापनपत्र बुझाईएको सभापति ढुंगानाले जानकारी दिनुभयो । त्यस क्रममा कांग्रेसका महाधिबेशन प्रतिनिधि शिवकुमार योङया, महासमिति सदस्य भक्ति प्रसाद सिटौलाले कांग्रेसले उठाएका माग पूरा नभए कडा आन्दोलन गर्न बाँध्य हुने बताउनु भयो ।
ज्ञापनपत्र बुझ्दै नगर प्रमुख शेर्माले कांग्रेसले बुझाएको जायज मागहरुलाई सम्बोधन गर्न नगरपालिका तयार रहेको बताउनुभयो ।

x

Check Also

ताप्लेजुङमा ४.६ रेक्टरस्केलको भुकम्प

सप्तरङ्गी एफएम दमक /३ फागुन २०७५ ताप्लेजुङ / ताप्लेजुङको कन्चनजङ्घा आसपास केन्द्रबिन्दु भएर हिजो ४.६ ...

भारतको जम्बु काश्मिरमा भीषण आतंकबादी हमला

सप्तरङ्गी एफएम / २ फागुन २०७५ ्भरतको जम्मू–कश्मीर राज्यको पुलावामा जिल्ला भएको ठूलो आतंकवादी आक्रमणमा ...

दमक ८ मा रहेको पूर्वाञ्चल मन्टेश्वरी स्कुलको आठौँ बार्षिकोत्सव सम्पन्न

सप्तरङ्गी एफ.एम. दमक फागुन दमक ८ मा रहेको पूर्वाञ्चल मन्टेश्वरी स्कुलले बिहिबार आफ्नो आठौ बार्षिकोत्सव ...

दमक १० सेतुमारीस्थित दुर्गा पाञ्चायन मन्दिरको सामुदायिक भवन शिलान्यास

सप्तरङ्गी एफ.एम. दमक/ २ फागुन २०७५ दमक १० सेतुमारीस्थित दुर्गा पाञ्चायन मन्दिरमा सामुदायिक भवन शिलान्यास ...

भेरी नदीमा यात्रुबाहक बस खस्दा चार जनाको मृत्यु

   सप्तरंगी एफएम /२ फागुन २०७५ जाजरकोट – बाँकेको नेपालगञ्जबाट रुकुम पश्चिम राडीबजारतर्फ जाँदै गरेको ...