Home / ट्रेन्डिङ्ग / गौरादह नगरपालीकामा पुर्ण बिद्यार्थि भर्ना अभियान सकियो

गौरादह नगरपालीकामा पुर्ण बिद्यार्थि भर्ना अभियान सकियो

सप्तरङ्गी एफ.एम. दमक/असोज २३/
झापाको गौरादह नगर स्रोतकेन्द्रभित्र आधारभूत तहमा सम्पुर्ण विद्यालय उमेर समूहका बालबालिकाहरु भर्ना भएको उदघोषणका साथ पूर्ण विद्यार्थी भर्ना २०७५ घोषणा समारोह कार्यक्रम सम्पन्न भएको छ । गौरादह नगरपालिका भित्र रहेका आधारभुत तहमा विद्यालय जाने उमेर समूहका बालबालिकाहरु विद्यालय बाहिर नरहेकाले गौरादह नगरलाई पूर्ण विद्यार्थी भर्ना घोषणा गरिएको हो ।
आज एक कार्यक्रमका विच नगपालीकाका प्रमुख रोहित कुमार शाहले नगरपालीकामा बिद्यार्थि पुर्ण भर्ना भएको घोषणा गुर्न भयो । गौरादह नगरपालीकालाई सबै क्षेत्रबाट उन्नत नगर बनाउको लागी योजना बनाएर अघि बढिएको उहाँले कार्यक्रममा बताउनु भयो ।
प्रमुख अतिथि नगर प्रमुख शाहले विद्यालयमा बालबालिकाको भविष्य उज्जवल बनाउन शिक्षा साकार बजेट पास गर्ने नगरपालिकाको योजना रहेकाले विद्यालयको भौतिक संरचना निर्माण, छात्रा मैत्री शौचालय निर्माण गर्नुको साथै विद्यालयलाई कम्प्युटरको व्यवस्था गरिने बताउनुभयो ।
विद्यालयमा प्राथमिक उपचारका लागि आवश्यक औषधी उपलब्ध गराइनुका साथै विद्यार्थीहरुका लागि स्वास्थ्य शिविर आयोजना गरिने उहाँले बताउनु भयो । नगरपालिका भित्र रहेका गरिब तथा जेहेन्दार विद्यार्थीहरु मध्ये दुइजना विद्यार्थीहरुलाई निशुल्क शिक्षा उपलब्ध गराउने पनि नगर प्रमुख शाहले घोषणा गर्नुभयो । गौरादह नगरपालिकाका प्रमुख प्रशासकिय अधिकृत सागर मिश्रले नगरपालिका भित्रका सबै सामुदायिक विद्यालयमा इ–हाजिरिको व्यवस्था गर्ने बताउनुभयो ।
नगरपालीकामा अब बिद्यालय जाने उमेरका कोहि पनि बिद्यालय बाहिर नरहेको घोषणा गरिएको नगरपालीकाकी उप प्रमुख गिटा भेट्वालले बताउनुभयो ।
बिद्यालय भर्ना अभियान अन्तर्गत नगरपालीका भित्रका ३२ वटा बिद्यालयमा यस बर्ष मात्रै बाल कक्षा तहमा ८ सय ८७, आधारभुत तहमा ५ हजार २ सय १२ र माध्यमिक तहमा ४ सय ७७ गरि जम्मा ६ हजार ५ सय ६७ बिद्यार्थि भर्ना गरिएको नगरपालीकाका प्रवक्ता नगेन्द्र भण्डारीले जानकारी दिनुभयो ।

x

Check Also

अन्तर्राष्ट्रिय मानवअधिकार दिवसकै दिन भूटानी शरणार्थीहरु स्वदेश फिर्ती र राहतको माग गर्दै नाराबाजी सहित अनसनमा

सप्तरङ्गी एफ.एम. दमक/मंशिर २४/ विश्व मानव अधिकारको दिवशको अवसरमा भूटानी शरणार्थीले स्वदेश फिर्ती र राहतको ...

श्रमजिवि पत्रकारको न्युनतम पारिश्रमिकको बिषयमा झापामा छलफल

सप्तरङ्गी एफ.एम. दमक/मंशिर २४/ श्रमजिवि पत्रकारहरुको न्युनतम पारिश्रमिक निर्धारण समितिको आयोजनामा आज झापाको बिर्तामोडमा अन्तत्र्रिmया ...

झापामा अन्तर्राष्ट्रिय मानव अधिकार दिवस मनाईयो

सप्तरङ्गी एफ.एम. दमक/मंशिर २४/ ७० औं विश्व मानवअधिकार दिवसको अवसरमा आज झापाको बिर्तामोडमा जिल्ला स्तरिय ...

झापको पाडाजुंगीमा स्कुलबसले ठक्कर दिँदा पैदलयात्री महिलाको मृत्यु

सप्तरङ्गी एफ.एम. दमक/मंशिर २४/ पूर्वपश्चिम राजमार्ग अन्तगर्त झापाको कमल गाँउपालिका–५ स्थित पाडाजुंगी सडक खण्डमा आज ...

स्वास्थ्य सेवामा फड्को मार्दै चुलाचुली

सप्तरंगी एफएम / २३ मंसिर २०७५  / रोमन लामिछाने चुलाचुलीस्थित स्वास्थ्य चौकीको २४ घण्टे प्रसूति ...