Home / कला/साहित्य / गौरादहमा बृहत साँस्कृतिक मेला

गौरादहमा बृहत साँस्कृतिक मेला

सप्तरङ्गी एफ.एम. दमक /  ७  कात्तिक २०७५ 
झापाको गौरादह नगरपालीकामा नगरभित्र रहेका जातिय परम्परा झल्कने साँस्कृतिक मेला आयोजना गरिएको छ । गौरादह वजार व्यवस्थापन समितिले आयोजना गरेको साँस्कृतिक दशैँ मेलामा जातिय संस्था, नगर भित्र रहेका क्लब र विद्यालयहरुको नृत्यहरु प्रस्तुत गरिएको छ ।

विगतका समयमा नगरभित्र रहेका जातिय सम्प्रदायहरुले मेला आयोजना गर्दैगरेको र त्यसबाट जातिय सद्भावको उत्थान हुने गरेकोमा बजार व्यवस्थापन समितिले सबै जात जातिको साँस्कृतिक पर्व मनाउने उद्देश्यले साँस्कृतिक मेला आयोजना गरेका बजार व्यवस्थापन समितिका अध्यक्ष खड्ग बहादुर थापाले बताउनुभयो । गौरादह नगरपालिकामा विभिन्न जातजातिहरुको बसोबास रहेकाले जातजातीहरुको भाषा सँस्कृती रहनसहन भेषभुसाको उत्थान र उजागर गर्ने उद्देश्यले साँस्कृतिक मेला आयोजना गरिएको वडा नं. १ का वडा अध्यक्ष नगेन्द्र भण्डारीले जानकारी दिनुभयो ।

गौरादह नगरपलिकामा रहेका सबै जातजातीलाई एकै ठाउँमा सहभागी गराई उनिहरुको साँस्कृतिक पहिचानलाई लोप हुनबाट जोगाउन परम्परागत मेलालाई यथास्थानमा राखी नयाँ ढङ्गले दशैँको अवसरमा साँस्कृतिक मेला आयोजना गरिएको नगरपालिका प्रबत्ता समेत रहनु भएका वडाध्यक्ष भण्डारीले बताउँनु भयो ।

गौरादह बजारमा आयोजना गरिएको साँस्कृतिक मेलामा झापा र मोरङका १७ वटा जातिय नृत्य टोलीहरु सहभागी भएका छन् ।

साँस्कृतिक सम्पदाको संरक्षण गर्ने उद्देश्यले आयोजना गरिएको नृत्यमा दलित सशक्तिकरण नगर समन्वय समिति गौरादहले नौमती बाजा सहित नृत्य प्रदर्शन, नेपाल तामाङ घेदुङ संघले तामाङ सेलो, दुर्गा मन्दिर गौरादह, वडा नं. १ र २ ले संगिनी नृत्य सहित राष्ट्रियगीतमा नृत्य, युनाइटेड युथ क्लब र इभरग्रीन बोर्डिङ स्कुल गौरादहले राष्ट्रिय गीतमा नृत्य, किरात राई यायोख्खाले साकेला शिली, थारु कल्याणकारी समाज कल्याण परिषदले थारु नृत्य, नेवार समुदायले नेवार तथा लाखे नृत्य, मगर समुदायले हुर्रा नाच, ताजपुरिया समाजकल्याण परिशदले खोल्सना नाच, लगायत प्रदर्शन गरिएको छ ।

सहभागी टोलीहरुमा सन्थाल नृत्यलाई १५ हजार र दोश्रोलाई १० हजार, पञ्चेबाजालाई ७ हजार र अन्य सहभागी टोलीहरुलाई २ हजार ५ सयका दरले पुरस्कार वितरण गरिएको छ ।

x

Check Also

उत्कृष्ट भुटानी गितकारको खोजी प्रतियोगिता गरिँदै

सप्तरङ्गी एफ.एम. दमक/पुष २९/विश्वभरी रहेका नेपाली भाषी भुटानी गितकारहरुको खोजीको लागी कर्यक्रम हुने भएको छ ...

ईलामको चुलाचुलीमा सेनेटरी प्याड निर्माण तथा उद्घोषण तालिम सुरु

सप्तरङ्गी एफ.एम. दमक/ पुष २९ ,२०७५ झापाको कमल गाउँपालीकामा रहेको उद्यमशिल महिला जागरण केन्द्रको आयोजनामा र ...

खानेपानी तथा सरसफाई उपभोक्ता संस्था दमकको कार्य समितिमा कांग्रेस नेतृत्वको बहुमत , यसअघि पटक पटक नेतृत्व गरेको नेकपाको लज्जास्पद हार

सप्तरङ्गी एफ.एम. दमक/पुष २९/दमकमा सम्पन्न दमक खानेपानी तथा सरसफाई उपभोक्ता संस्थाको निर्वाचनमा नेपाली कांग्रेससहितको लोकतान्त्रिक ...

निर्मला पन्तको बलात्कार र हत्याको टाटो हेर्न दमकमा भ्यु टावर बनाउन लागेको भन्दै प्रधानमन्त्रीलाई कांग्रेस नेता मिनेन्द्र रिजालको व्यंग्य

सप्तरङ्गी एफ.एम. दमक/पुष २९/नेपाली कांग्रेसका नेता एवं पूर्व मन्त्री मिनेन्द्र रिजालले निर्मला बलात्कार र हत्याको ...

मंगलमयको ४७ औ बार्षिकोत्सव तथा अभिभावक दिवस सम्पन्न

सप्तरंगी एफएम दमक, २७ पुस २०७५ झापाको कमल गाँउपालिका ५ स्थित मंगलमय माध्यमिक विद्यालयले आज ...