Home / ताजा समाचार / धानबालीमा रोग लागेपछि गौरादहका किशान चिन्तित

धानबालीमा रोग लागेपछि गौरादहका किशान चिन्तित

सप्तरङ्गी एफ.एम. दमक /  कात्तिक १२ , २०७५

धानमा रोग लागेर उत्पादन नहुने भएपछि झापाको गौरादह नगर क्षेत्रका धेरै किसानहरु यस बर्ष निराश बनेका छन् ।

देशभर धान राम्रो फलेको खवर आईरहेका वेला गौरादह नगरपालिका क्षेत्रका किसानहरु भने निराश बनेका हुन् ।

गौरादहका विभिन्न क्षेत्रमा करिव २ सय विगाह भन्दा धेरै भागमा सरकारले सुचिकृत नगरेको रन्जित र सर्ना धान  बोट सुक्ने [कोथिने ], फल नलाग्ने जस्ता समस्या देखा परेको स्थानीय कृषक रिता खड्काले बताउनु भयो ।

गत बर्ष प्रति विगाह ८० मनसम्म धान फलेको क्षेत्रमा यस बर्ष २० देखि ३० मन पनि धान उत्पादन नहुने सम्भावना रहेको  ४ विगाहमा धान  खेती गर्नुभएका एक जना कृषक  टंक गिरी बताउनु हुन्छ  ।

धान फुल्ने वेला देखि एक प्रकारको मसिनो किराको आक्रमण भए पछि फल्न लागेको धान सुकेको र हरियो बोटमा पनि धान भन्दा बढी भुस लागेको कृषकहरु  बताएका छन् ।

स्थानीय  कृषि प्राविधिकलाई सोधेर औषधी प्रयोग गरे पनि खेतको धेरै भागमा यो रोगले आक्रमण गरेको किशानहरुले बताएका छन् ।

सरकारले कृषि क्षेत्रमा धेरै लगानी गरेको भए पनि सो क्षेत्रका किसानलाई कसैले पनि सोधी खोजी नगरेको भन्दै उनीहरुले गुनासो समेत पोखेका छन् ।

नेपालकै सवै भन्दा धेरै धान उत्पादन हुने जिल्लाको रुपमा चिनिएको झापामा यो बर्ष गत बर्षको भन्दा कम हुन सक्ने किसानको अनुमान रहेको छ । गत बर्ष झापामा करिव ८५ हजार हेक्टरमा ३ लाख २० हजार मेट्रिक टन धान उत्पादन भएको साविक जिल्ला कृषि विकास कार्यालय झापाको तथ्यांकमा उल्लेख छ  ।

x

Check Also

दमकमा आगामी माघ १८ गते बृहत सांगितिक कार्यक्रम हुँदै

सप्तरङ्गी एफ.एम. दमक/माघ ६/दमकमा आगामी माघ १८ गते बृहत सांगितिक कार्यक्रम हुने भएको छ । ...

सडक नबनेपछि दमक ५ स्थित दीपिनी टोल बासीहरुद्धारा रकम फिर्ताको माग

सप्तरङ्गी एफ.एम. दमक/माघ ४/समयमै वाटो निर्माण नभएपछि दमक ५ स्थित दीपिनी मार्गका उपभोक्ताहरुले आफनो रकम ...

बालुबथान कृषि सहकारी संस्थाद्वारा अन्तरक्रिया तथा छलफल

सप्तरंगी एफएम दमक / ०३ माघ २०७५ गौरादह वार्ड नम्बर ५ मा रहेको बालुबथान कृषि ...

उर्लाबारीका वडाध्यक्षले बिक्री गरे अनुदानको बीउ, किसान भन्छन्– पैसा कहाँ गयो ?

सप्तरङ्गी एफ.एम. दमक/माघ १/ उर्लाबारी नगरपालिकाले वडा नं.८ र ९ का लागि दिएको अनुदानको मकैको ...

उत्कृष्ट भुटानी गितकारको खोजी प्रतियोगिता गरिँदै

सप्तरङ्गी एफ.एम. दमक/पुष २९/विश्वभरी रहेका नेपाली भाषी भुटानी गितकारहरुको खोजीको लागी कर्यक्रम हुने भएको छ ...