Home / ट्रेन्डिङ्ग / झापाको गौरादह ९ बैगुन्धुरास्थित दहगाउँको सिमासार क्षेत्रलाई पर्यटन प्रवद्र्धनका रुपमा विकास गरिने

झापाको गौरादह ९ बैगुन्धुरास्थित दहगाउँको सिमासार क्षेत्रलाई पर्यटन प्रवद्र्धनका रुपमा विकास गरिने

सप्तरङ्गी एफ.एम. दमक/कात्तिक १७/
झापाको गौरादह नगरपालिका वडा नं ९ बैगुन्धुरा बजारबाट करिब ३ किलोमिटर नजिकै पर्ने दहगाउँको सिमासार क्षेत्रलाई पर्यटन प्रवद्र्धनका रुपमा विकास गरिने भएको छ ।
सन्थालबस्ती क्षेत्रमा रहेको दहगाँउ खाली सिमसार क्षेत्रलाई आन्तरिक पर्यटन, प्रवद्र्धन गर्न स्थानीयहरुले तयारी थालेका छन् ।
स्थानीय राजनीतिक तथा सामाजिक अगुवा चन्द्र बहादुर खड्काले बर्षौं अघिदेखि दहका रुपमा रहेको त्यस स्थानमा पानीको कहिल्यै नसुक्ने मुहान रहेकोले त्यसको विकास गर्न आवश्यक रहेको बताउनुभयो ।
सो ठाउँमा लोपोन्मुख सन्थाल जातिको सघन बसोबास रहेका कारण सन्थालहरुको संस्कार संस्कृति र सिमसार पर्यटकीय विकासका लागि महत्वपूर्ण आधार बन्न सक्ने स्थानीयबासीको भनाई छ । स्थानीयहरुले सो क्षेत्रलाई नयाँ पर्यटकीय गन्तव्यका रुपमा विकास गर्न सिमसार क्षेत्रको सरसफाई गरि पूर्वाधारहरु निर्माण गर्न माग गरेका छन् ।
वडाध्यक्ष सिताराम भट्टराईले दहगाउँ बस्तीको नामाकरण नै त्यहाँ रहेको दहबाट भएको बताउँदै त्यसलाई पर्यटकीय क्षेत्रका रुपमा विकास गर्न सकिने प्रशस्त सम्भावना रहेको बताउनुभयो । उहाँले त्यहाँ करिब ३ विगाहा खाली जमिन रहेको र आसपासका जग्गाधनीले समेत पर्यटकीय क्षेत्रको रुपमा विकास गर्न सहयोग पु¥याउने बताउनुभयो । उक्त ठाउँलाई नयाँ पर्यटकीयस्थलका रुपमा विकास गर्न प्रदेश र संघीय सरकारको समेत ध्यान जानु आवश्यक रहेको वडाध्यक्ष भट्टराईले बताउनु भयो ।
यसैबीच गौरादह नगरपालिकाका प्रमुख रोहित कुमार साहसहितको सरोकारवालाहरुको टोलीले त्यहाँको पर्यटकीय विकासको सम्भावना बारे आज निरिक्षण गरी जानकारी लिएको छ । निरीक्षणका क्रममा नगर प्रमुख शाहले दहगाँउको सिमसार क्षेत्र आन्तरिक पर्यटन, प्रर्वद्धनका लागि प्रचुर संभावना भएको बताउनुहुदै नगरपालिकाले त्यसमा सहयोग पु¥याँउने प्रतिवद्धता जनाउनुभयो ।

x

Check Also

उत्कृष्ट भुटानी गितकारको खोजी प्रतियोगिता गरिँदै

सप्तरङ्गी एफ.एम. दमक/पुष २९/विश्वभरी रहेका नेपाली भाषी भुटानी गितकारहरुको खोजीको लागी कर्यक्रम हुने भएको छ ...

ईलामको चुलाचुलीमा सेनेटरी प्याड निर्माण तथा उद्घोषण तालिम सुरु

सप्तरङ्गी एफ.एम. दमक/ पुष २९ ,२०७५ झापाको कमल गाउँपालीकामा रहेको उद्यमशिल महिला जागरण केन्द्रको आयोजनामा र ...

खानेपानी तथा सरसफाई उपभोक्ता संस्था दमकको कार्य समितिमा कांग्रेस नेतृत्वको बहुमत , यसअघि पटक पटक नेतृत्व गरेको नेकपाको लज्जास्पद हार

सप्तरङ्गी एफ.एम. दमक/पुष २९/दमकमा सम्पन्न दमक खानेपानी तथा सरसफाई उपभोक्ता संस्थाको निर्वाचनमा नेपाली कांग्रेससहितको लोकतान्त्रिक ...

निर्मला पन्तको बलात्कार र हत्याको टाटो हेर्न दमकमा भ्यु टावर बनाउन लागेको भन्दै प्रधानमन्त्रीलाई कांग्रेस नेता मिनेन्द्र रिजालको व्यंग्य

सप्तरङ्गी एफ.एम. दमक/पुष २९/नेपाली कांग्रेसका नेता एवं पूर्व मन्त्री मिनेन्द्र रिजालले निर्मला बलात्कार र हत्याको ...

मंगलमयको ४७ औ बार्षिकोत्सव तथा अभिभावक दिवस सम्पन्न

सप्तरंगी एफएम दमक, २७ पुस २०७५ झापाको कमल गाँउपालिका ५ स्थित मंगलमय माध्यमिक विद्यालयले आज ...