Home / ट्रेन्डिङ्ग / अढाई अर्ब रुपैयाँभन्दा बढी लगाएर ‘भ्यू टावर’ बनाउनुभन्दा स्थानीय जनताका आधारभूत आवश्यकताको क्षेत्रमा काम गर्न प्रधानमन्त्री केपी ओलीको गृहनगर दमकका जनताले आग्रह

अढाई अर्ब रुपैयाँभन्दा बढी लगाएर ‘भ्यू टावर’ बनाउनुभन्दा स्थानीय जनताका आधारभूत आवश्यकताको क्षेत्रमा काम गर्न प्रधानमन्त्री केपी ओलीको गृहनगर दमकका जनताले आग्रह

सप्तरङ्गी एफ.एम.दमक/माघ १४/
अढाई अर्ब रुपैयाँभन्दा बढी लगाएर ‘भ्यू टावर’ बनाउनुभन्दा स्थानीय जनताका आधारभूत आवश्यकताको क्षेत्रमा काम गर्न प्रधानमन्त्री केपी ओलीको गृहनगर दमकका जनताले आग्रह गरेका छन् ।
दमाकका धेरै सर्वसाधारणले पहिला जनताका आधारभूत आवश्यकता पूरा गर्ने संरचना निर्माण गर्न सरकारसँग माग गरेका हुन् ।
त्यसैपनि तराईको समथर भूभागमा फैलिएको झापामा दृश्यवलोकन गर्न बनाइने भनिने ‘भ्यू टावर’बाट के के देख्न सकिएला भनेर प्रश्नहरु उठ्ने गरेका छन् ।
दमकमा बन्ने भनिएको भ्यू टावरभन्दा भ्यु टावर बनाउने भनिएको ठाउँमा जाने सडकको स्तरोन्नति गर्न दमक ३ दुम्सेका ज्ञानु बुढाथोकीले सुझाव दिनुभयो ।

“१,भ्यू टावरको अढाई अर्ब रुपैयाँ अस्पताल निर्माणमा लगाउने हो भने गतिलै अस्पताल बन्ने ।
२,भ्यू टावरको बजेट सडक स्तरोन्नितमा लगाउने हो भने दुई सय किलोमिटरभन्दा बढी सडक ड्रेनसहितको कालोपत्रे बन्ने ।
३,भ्यू टावर बनाउने पैसाले १० वटाभन्दा बढी माध्यमिक तहका विद्यालय बनाउन सकिने ।
४,भ्यू टावरको पैसा विद्युत्मा लगाउने हो भने पूर्वी तराईका तीन जिल्लामा पर्याप्त बिजुली पुग्ने संरचना बनाउन सकिने ।
५,भ्यू टावर बनाउने पैसाले ३५ अर्ब रुपैयाँका करिब आठवटा खानेपानी आयोजना बन्ने ।”


उहाँले सडक छेउका नागरिक धुलो खाएर बसिरहेका बेला भ्यु टावरको कुनै अर्थ नरहने बताउनु भयो ।
आफ्नो १६ औं अनसन सुरु गर्दै गर्दा डाक्टर गोविन्द केसीले पनि दमकका भ्यु टावर बनाउनु भन्दा उक्त रकमले यहि ठाउँमा अस्पताल खोल्न सुझाव दिनु भएको थियो ।
प्रदेश नं. १ का स्वास्थ्य निर्देशक भोगेन्द्रराज डोटेलका अनुसार दमक क्षेत्रमा एउटा सुविधा सम्पन्न अस्पताल अनिवार्य आवस्यकता भएको छ । अस्पताललाई चाहिने जनशक्तिका लागि योजना बनाएर भ्यू टावरको अढाई अर्ब रुपैयाँ अस्पताल निर्माणमा लगाउने हो भने गतिलै अस्पताल बन्न सक्ने उहाँको भनाइ छ ।
भ्यू टावरको बजेट सडक स्तरोन्नितमा लगाउने हो भने दुई सय किलोमिटरभन्दा बढी सडक ड्रेनसहितको कालोपत्रे बन्न सक्ने प्रदेश नं १ को यातायात पूर्वाधार निर्देशनालयका निर्देशक इन्जिनियर राजेश घिमिरेले बताउनु भयो । जसबाट दमक क्षेत्रका मुख्य सडकहरू कालोपत्रे बन्न सक्छ । दमक ३ मै रहेको चुलाचुली आधारभूत विद्यालयका प्रधानाध्यापक विष्णुप्रसाद गुरागाईँले पनि भ्यू टावर बनाउनुभन्दा जनताका छोराछोरी पढ्ने विद्यालयमा शिक्षकको व्यवस्था गराउनु आग्रह गर्नु भयो ।
झापाका जिल्ला शिक्षा अधिकारी योगेन्द्र बरालले पनि भ्यू टावर बनाउने पैसाले १० वटाभन्दा बढी माध्यमिक तहका विद्यालय बनाउन सकिने बताउनु भयो ।
यता नेपाल विद्युत् प्राधिकरण दमक शाखाले गत कार्तिकमा दमक क्षेत्रमा विद्युत आपूर्ति गर्नका लागि १० करोड रुपैयाँ बजेट छुट्ट्यायो । तर अहिलेसम्म जनतालाई विद्युत् सेवा दिने उक्त बजेट प्राप्त भएको छैन । तर शहरी विकास मन्त्रालय दमक ६ ढुकुरपानीमा भ्यू टावर बनाउनका लागि टेन्डर खोल्ने प्रक्रियामा रहेको दमक नगरपालिकाकी उपप्रमुख गीता अधिकारीले जानकारी दिनुभयो ।
अहिले पनि दमक १ र १० नं. वडाका धेरै स्थानमा बिजुली नपुगेको प्राधिकरणका दमक शाखा प्रमुख जितेन्द्र यादवले बताउनु भयो ।
‘भ्यू टावर’को पैसा विद्युत्मा लगाउने हो भने पूर्वी तराईका तीन जिल्लामा पर्याप्त बिजुली पुग्ने संरचना बनाउन सकिने विद्युत प्राधिकरणका कर्मचारी बताउँछन् ।
त्यसैगरी दमक नगरपालिका क्षेत्रभित्र आधा जनसङ्ख्यामा मात्रै सुद्ध खानीपानीको व्यवस्था पुगेको छ ।
दमक बजारको दक्षिण क्षेत्रमा खानेपानीको व्यवस्था पुग्न नसकेको खानेपानी उपभोक्ता समितिका अध्यक्ष रोशन गौतमले बताउनु भयो ।
दमक क्षेत्रमा मात्र खानेपानीको व्यवस्था र्पुयाउन अझै करिब ३५ करोड रुपैयाँ लाग्ने उहाँले बताउनु भयो । अहिले तीनवटा ट्याङ्कीबाट पानीको आपूर्ति हुँदै आएको छ । अढाई अर्ब रुपैयाँले करिब आठवटा त्यस्ता खानेपानी आयोजना बन्ने उहाँको अनुमान छ । तर सत्तारुढ नेकपाका स्थानीय नेताहरु भने ‘भ्यू टावर’ दमकको विकासका लागि महत्त्वपूर्ण हुने बताउँछन् ।

x

Check Also

झापाको पुरानो सैनिक बजारको इतिहास र पहिचानलाई चिनाउन शुक्रबारदेखि सैनिक महोत्सव सुरु

सप्तरंगी एफएम /३ फागुन २०७५ बिर्तामोड,/ बिर्तामोड नगरपालिका वडा नम्बर १० मा रहेको झापाको पुरानो ...

ताप्लेजुङमा ४.६ रेक्टरस्केलको भुकम्प

सप्तरङ्गी एफएम दमक /३ फागुन २०७५ ताप्लेजुङ / ताप्लेजुङको कन्चनजङ्घा आसपास केन्द्रबिन्दु भएर हिजो ४.६ ...

भारतको जम्बु काश्मिरमा भीषण आतंकबादी हमला

सप्तरङ्गी एफएम / २ फागुन २०७५ ्भरतको जम्मू–कश्मीर राज्यको पुलावामा जिल्ला भएको ठूलो आतंकवादी आक्रमणमा ...

दमक ८ मा रहेको पूर्वाञ्चल मन्टेश्वरी स्कुलको आठौँ बार्षिकोत्सव सम्पन्न

सप्तरङ्गी एफ.एम. दमक फागुन दमक ८ मा रहेको पूर्वाञ्चल मन्टेश्वरी स्कुलले बिहिबार आफ्नो आठौ बार्षिकोत्सव ...

दमक १० सेतुमारीस्थित दुर्गा पाञ्चायन मन्दिरको सामुदायिक भवन शिलान्यास

सप्तरङ्गी एफ.एम. दमक/ २ फागुन २०७५ दमक १० सेतुमारीस्थित दुर्गा पाञ्चायन मन्दिरमा सामुदायिक भवन शिलान्यास ...